Спасов: Блаже Конески е втемемелувач на македонскиот јазик, но да не се заборави дека пред сѐ тој беше научник
Оваа година бее прогласена за година на Блаже Конески. Дали вистински ја прославивме 100-годишнината од раѓањето на овој македонски великан.
-Зачудувачки добро ја одбележавме не само во Македонија туку и во странство и се поставува прашање зошто тоа не сме го правеле и порано со други личности кои исто така треба да се одбележат. Ова нека биде патоказ кон други такви ситуации, вели за Утрински брифинг професорот Људмил Спасов.
На вчерашниот концерт во Филхармонијата се рецитираа неговите песни на сите јазици што се зборуваат во Македонија и, како то веи Спасов, тоа е чин на обединување во општеството. Тој додава дека и обновата на неговата родна куќа во Небрегово беше обновена сосема спонтано.
![](https://slobodenpecat.tv/wp-content/uploads/2021/12/11-1024x576.jpg)
Конески рекол дека од нас зависи дали нашата јазична средина ќе биде загрозена или не.
-Кога еден мал народ се афирмира секогаш соседните држави се спротивставуваат кон тоа. Ние сме ти што треба да подадат рака и да покажеме дека сме нормална држава која сака да соработува. И затоа од нас зависи дали ќе го негуваме нашиот стандарден јазик, вели Спасов и предупредува дека особено во медиумите и администрацијата не смее да има небрежност кон јазикот.
Спасов со неговиот тим ја преобјави историската Фонологија на Конески која првпат била објавена од Шевелов во САД. Тој вели дека станува збор за тежок, научен ракопис, кој претрпел потешкотии да биде објавен поради еден пасус.
![](https://slobodenpecat.tv/wp-content/uploads/2021/12/12-1024x576.jpg)
-Имало отпор во МАНУ. Најверојатно се обидувал да го објави преку Друштво на преведувачи, Друштво на писатели и т.н. и на крајот кренал раце. Се пронесе и една легенда дека во тој ракопис Конески раскажува за античка Македонија. Кога го прочитавме оригиналот тој вели дека различно одел културниот развој на јазикот во источна и западна Македонија поради различните општествени владеења. Ова е сосема неважно во 21 век, вели проф. Спасов за Утрински брифинг.
![](https://slobodenpecat.tv/wp-content/uploads/2021/12/13-1024x576.jpg)
Блаже Конески е и писател и поет, но е пред сѐ научник кој ги постави темелите на овој јазик што го зборуваме сега, заклучува Спасов.
Проследете го целиот разговор во видеото