Утрински брифинг во Кумановскиот затвор – мал македонски „Шевенинген“

You must need to login..!

Опис

Казнено-поправната установа Куманово, или позната како затвор К’шање, поради тоа што е сместена во атарот на ова село е релативно нова установа. Беше пуштена во употреба во 2013 година. На површина од над 5.000 квадратни метри, затворот располага со 13 притворски ќелии, 34 затворски, без самици, современ видеонадзор.

По пет и полгодишното функционирање, условите се на високо ниво, исто како и хигиената.

Директорот на установата Марјан Спасовски информираше дека на стариот пат со поддршка од Општина Куманово се става гребен асфалт.

– Релативно нов затвор. За жал, таков капитален објект бил пуштен во употреба без соодветна инфраструктура, водоснабдување и без приоден пат. Откако сум назначен за директор ги решивме овие проблеми, вклучително и на спровод на притворените и осудените до судот, до болницата. Водоснадбувањето го решивме со помош на општествено одговорни компании, извршивме градежен зафат и сега имаме континуирано водоснабдување, изјави Спасовски.

Во затворот функционира и амбулатна. Добро е снабдена, уредна и чиста со релативно нов мебел, полици, опрема, сè што е потребно за примарна здравствена заштита.

Кујната е чиста со нови современи апарати.

Капацитетот на затворот е 250, од кои 200 за осуденици за полесни кривични дела за примарни сторители на кривични дела до три години или рецидиви до една година и 50 лица во притворско одделение. Ова е единствена казнено-поправна установа со притворско одделение во североисточниот регион.

Напишете коментар

Вашата адреса за е-пошта нема да биде објавена. Задолжителните полиња се означени со *

1 + 2 =