Aндоновиќ: ЕУ во замена за откажување од апсирациите кон НАТО – Руски компормис во рпеговорите со Киев

You must need to login..!

Опис

Истанбул денеска е домаќин на нова рунда мировни преговори меѓу Русија и Украина.

Преговорите зад затворени врати меѓу руската и украинската делегација во моментов траат во Палатата Долмабахче.

Турција работеше да се позиционира како неутрален сојузник и на Украина и на Русија и клучен дипломатски партнер на влезот во регионот на Црното Море. Ова вклучува домаќин на трипартитни разговори со министрите за надворешни работи на Украина и Русија во јужниот град Анталија, како и со министерот за надворешни работи Мевлут Чавушоглу, водење шатл-дипломатија за време на неодамнешните посети на Лавов и Москва. Турција ги сметаше разговорите за успешни, и покрај недостатокот на напредок околу главната дискусија за хуманитарните коридори, особено за опколениот град Мариупол.


За што се преговара останува мистерија. Но во јавноста се појави нацрт на преговорите во кои Русија направи одредени отстапки, но некои точки се уште се спорни.

Русија наводно ќе направи отстапки од своја страна и повеќе нема да бара Украина да биде „деназифицирана“ и е подготвена да му дозволи на Киев да се приклучи на ЕУ доколку остане воено неутрална,


Главна тема на Киев и Москва е прекинот на огнот, а за тоа да се случи потребен е договор кој би вклучувал и повлекување на Украина од членството во НАТО во замена за потврда на безбедноста и влез во ЕУ, велат одредени шпекулации . Нацрт-документот за прекин на огнот не содржи никаква дискусија за претходните руски услови, добро познати – „деназификација“, „демилитаризација“ и правна заштита на рускиот јазик во Украина.


Според нацрт-преговорите, Украина се обврзува да се воздржи од развој на нуклеарно оружје или складирање на странски воени бази во својата земја и нема да се обиде да влезе во НАТО.

За возврат, Украина ќе добие нешто како „формулирање слично на членот 5 на НАТО“, според кој членките на алијансата мора да си помагаат меѓусебно доколку некој биде нападнат, а безбедносни гаранции би дале 11 земји – Русија, САД, ОК, Канада, Франција, Германија, Кина, Италија, Полска, Израел и Турција.

Во нацрт-договорот не е наведена најголемата пречка во преговорите – обидот на Украина да ја врати територијата што Русија ја окупираше од 2014 година, што треба да се реши во идните преговори меѓу Путин и Зеленски, тврдат доброупатени извори за западните медиуми.

„Москва бара од Украина да ја признае руската контрола над полуостровот Крим, кој Москва го анектираше во 2014 година, како и врз два региони со кои управуваат сепаратистите поддржани од Русија во источниот регион Донбас“ Овие барања на Русија беа оценети како нерелани од страна на посредникот Турција.


Засега Украина беше подготвена да разговара за хуманитарни прашања, како што е решавањето на проблемот со водата на Крим и ветувањето дека никогаш нема да се обиде повторно да го окупира полуостровот со сила, велат изворите за западните медиуми.


Сепак останува главното прашање. Кога двете страни ќе се согласат за прекин на огнот? Токму прекинот на воените дејствија би требало да биде главната и приоритетната точка на овие преговори.

Напишете коментар

Вашата адреса за е-пошта нема да биде објавена.

4 × two =