Наглиот внес на маснотии по долгиот пост предизвикува дисбаланс на метаболизмот

You must need to login..!

Опис

На само неколку дена пред празнувањето на најголемиот христијански празник Велигден, граѓаните веќе ја подготвуваат празничната трпеза. И според адетот и обичаите на неа  мора да има јајца и јагнешко месо, но и разни пити и баклави, кои што не предизвикуваат да се прејадеме. Но, прејадувањето со висококалорична храна , посебно ако сте постеле, може да предизвика дисбаланс на метаболизмот. Ова за гледачите на Утрински брифинг денеска го објасни нутриционистот Љубица Трифунова – Георгиева.

-Со самото тоа што долго време не сме внесувале во организмот месо и млечни производи нашите дигестивни ензими за преработка на месо и млечни производи одмарале. Со наглиот внес на овие состојки го оптеретуваме дигестивниот систем што доведува до појава на грчеви, подуеност во стомакот, осцилации во притискот. Затоа апелирам по заврување на постите да бидеме на лесна храна барем уште 3-4 дена, а производите карактеристични за велигденското празнување да ги конзумираме еднаш во денот и тоа во мали количини, вели Љубица. Таа предлага месото да се готви на вода, а не во масло и да се сервира само со зеленчук.

-Предлагам сите кои постат да користат разноврсна исхрана, тоа е навистина лесно бидејќи кај нас, во Македонија може да се најде на пазарите буквално се. Многу често верниците прават грешки со тоа што конзумираат на пример само компир. Постот не значи гладување и не значи прејадување (на одредени намирници).Тие се најчестите грешки кои ги прават луѓето додека постат. Првата грешка е што елиминираат премногу производи (од што мислат дека немаат доволно избор на храна) и на тој начин нивото на инсулин драстично паѓа, шеќерите се трошат и човекот станува мрзелив, неволен, со главоболка и сл. Додека пак втората грешка која е најчеста за време на постењето е конзумирање на преголемо количество на леб, компир, посни пити и сл.На тој начин се оптоварува панкреасот, расте нивото на инсулин, доаѓа до најразлични дисбаланси и најчесто луѓето и качуваат килограми за време на постот. Правилно постење подразбира умерено внесување на храна , во одреден ритам , прилагодено на нашите дневни потрошувачки , огромна е разликата кај човек што работи физичка работа и кај човек што седи цел ден позади компјутер.

Секој мора да знае да си го препознае своето тело, да му даде доволна количина на храна ни премалку ни превише , за време на постот идеални се зелените салати кој се богати со антиоксиданси односно полифеноли кои преставуваат одлични чистачи за нашите црева, понатаму легуминозите како (грав , грашок, леќа) и тоа се намирници богати со растителни влакна. Да напоменеме дека за време на постењето се дозволени секакви видови на домашни сокови и смутија меѓутоа би сакала да напоменам дека многу е важна количината , за тоа поволно да влијае и да го искористат нашите црева треба да биде една чаша дневно, не повеќе. Додека постиме ние се детоксицираме , односно прочистуваме на тој начин телото ќе ни биде многу благодарно, објаснува нутриционистката Љубица Трифунова= Георгиева.

Напишете коментар

Вашата адреса за е-пошта нема да биде објавена. Задолжителните полиња се означени со *

four − 1 =