📞„Нови мерки, старо другарство“ – гледај театар на отворено

You must need to login..!

Опис

КСП Подиум–Јадро Кавадарци го најавува своето постоење и ја отпочнува својата програма со тетарска претстава кој им се обраќа на најмладите и тоа со настап на отворено, а со наслов „Нови мерки, старо другарство“. Во претставата Денис, Ема, Нина и Тоше – четворица другари кои се соочуваат со новите правила на друштвените игри.

-Вонредната состојба донесе и вонредни правила во игрите на улица. Дали новите правила ќе направат промени во нивното друштво или се’ ќе остане по старо? Дали ќе можат да ги променат старите навики за да се прилагодат на новото време? Прилагодувањата се тешки, но овие четворица другари мора да најдат начин да си играат по новите правила…

Претставата „Нови мерки, старо другарство“ е наменета за деца и млади на возраст од 5 до 16 години и ќе се одржи во градскиот парк „Љупчо Шкартов“ во Кавадарци, во вторник 14.07.2020 год., со почеток во 19:30 ч.

Настанот е дел од проектот „УЧЕСТВУВАМЕ, ЗАСТАПУВАМЕ, МЕНУВАМЕ – демократизација и децентрализација на јавните простори и јавните добра преку нов модел на институција на јавно-цивилно партнерство 0.2“ на ЈАДРО – Асоцијација на независната културна сцена поддржан од Министерството за култура на Република Северна Македонија.

-Кавадарци беше супер подготвен за соработка. Го имаме системот за работа, но имаме потреба од современи изразување, презентирања и едукација на младите. Браме децентрализација и можност сите заедно да управуваме со институцијата. Преку јавно-приватно партнерство би се адаптирале на потребата на граѓаните, изјави за Утрински брифинг Симона Манчева, Јадро.

Повеќе за Културно социјалениот простор ПОДИУМ–ЈАДРО од Кавадарци:

КСП ПОДИУМ–ЈАДРО од Кавадарци е формиран во декември 2019 година, е хибридна установа од областа на културата основана преку јавно-цивилно партнерство помеѓу Општина Кавадарци и ЈАДРО – Асоцијација на независна културна сцена. КСП Подиум–Јадро е втора установа од ваков вид во нашата држава, после КЦП Центар–Јадро од Скопје основана во соработка со Општина Центар.

Овој нов модел, кој е втемелен на партнерство помеѓу локалната власт и еден поширок фронт на граѓанска мрежа, составена од организации, поединци и неформални групи активни во полето на современата култура и уметност, обезбедува суштинска децентрализација на моќта во културата. Новиот модел од јавно-цивилно партнерство на институцијата е од значење на културниот развој, каде со обединување на локалните и националните иницијативи заедно со организациите и поединците од независната културна сцена ќе се произведуваат општествено добро низ дирекна демократија.

Оваа установа се формира како резултат од потребата од простор, место каде што слободно ќе се изразува независната културна сцена, независната критичка мисла преку современите социо-културни практики, подиум во кој ќе создаваат автономни, само-организирани содржини, и јадро во кој, заедно со граѓаните и пошироката заедница ќе се случува и развива урбаниот живот. Место во кое ќе се артикулира и разменува нашиот урбан, интелектуален, критички и творечки капитал.

Напишете коментар

Вашата адреса за е-пошта нема да биде објавена. Задолжителните полиња се означени со *

1 × three =