Економските реперкусии и првиот тест на подготвеноста на институциите да излезат во пресрет на клиентите кои претендираат на кредитни бескаматни линии од КОВИД 1 и КОВИД 2.

Сите завршни сметки се предадени и пристигнати во Централниот регистар – каква е сликата на македонската економија од аспект на завршните сметки, деловните субјекти, нивната структура беше повод одговори во Утрински брифинг да побараме од директорката на Централен регистер, Марија Бошковска – Јанковски.

Според Бошковска – Јанковски, поради прогласената вонредната состојба од КОВИД-19 продолжен е рокот за поднесување на годишни сметки.

-Според обработените податоци за 2019 година, поднесени се вкупно 79.560 годишни сметки. По видови на работа – трговски друшта имаат поднесено 60.810 годишни сметки и 3.720 субјекти поднеле известување дека немале деловна активност или вкупно 64.530 трговски друштва.

Од нив, 43.672 се микро субјекти, 19.506 се мали, 852 се средни и 500 се големи. Притоа, 44.798 субјекти оствариле добивка при своето работење, а 19.732 оствариле загуба, изјави Бошковска – Јанковски.

Ако зборуваме за микро субјект тогаш се работи за субјект кој што има обрт на капитал до 50.000 евра и до 10 вработени. Се останото нагоре има поголем број на вработени и поголем капитал.

Завршните сметки како реална слика како влегуваме во оваа сериозна и драматична ситуација на економски план во Македонија

-По закон Централниот регистар е евидентен орган, што значи ние ги собираме импутите што ни ги дават сметководителите и тоа се 99% точни податоци. Ние сме сервис на деловната заедница и сервис на сите институции кои што ги црпат нашите податоци, како на пример, во случај огласи за спречување на економската криза од КОВИД-19. Развојната банка имаше оглас за КОВИД 1 каде беа опфатени најпогодените дејности. ВО КОВИД 2 се опфатени сите правни субјекти. Ова е тој импут кој што го даваме во моментов.

Развојната банка и Централниот регистар склучија и договор за документите што им се потребни на кредитобарателите, односно Централниот регистар ќе ги дава бесплатно тековната состојба за кредитобарателот, потврдата за стечајна постапка, потврдата за ликвидациона постапка и листингот од завршната сметка за 2019 година, посочи директорката на Централниот регистар.

Дополнително олеснување е и тоа што во услови кога треба да се почитуваат препораките за заштита на јавното здравје, странките немаат потреба да доаѓаат во Централен регистар за да ги извадат потребните документи, ниту да ги користат електронските услуги на нашата институција кои се 24 часа достапни. Во договорот што го склучивме со Развојната банка, предвидено е документите од Централен регистар што им се потребни на кредитобарателите електронски да ги преземаат вработени од Развојната банка – рече директорката на ЦРМ, Бошковска Јанковски.

Неактивни субјекти – неминусирање на фирмите кои престанале да работат

-Ние де факто, по закон имаме бришење на субјекти, по барање на самите правни субјекти. Ако три години последователно нема деловна активност, субјектот се брише по службена должност. Тоа е координирана акција помеѓу УЈП и ЦРМ каде се врши тоа бришење. Откако ние ќе ја објавиме листата на бришење ја информираме јавноста. Штом ја објавуваме листата де факто другите доверители се должни и можат да оспорат бришењето, односно да поведат постапка пред судот и да ја запрат постапката.

Она што за нас во моментов претставува голема стратешка активност е воспоставувањето на регистар на вистински сопственици. Тука се вклучуваме во борбата против перењето пари и финансирање тероризам. Централниот регистар е обврзан да го воспостави и води регистарот. Сите правни субјекти ќе бидат должни во регистарот да го запишат нивниот краен спопственик – физичкото лице кое има финасиски интерес или остварува било каков вид на контрола врз правниот субјект во Македонија. Правната рамка е комплетирана и произлегува од релевантните прописи на ЕУ, за што добивме и значителна поддршка од Светот на Европа. Во соработка со

Германската агенција за меѓународна соработка изработивме детална техничка спецификација за системот на управување со регистерот, при што истиот се очекува да биде ставен во функција во четвртиот квартал од оваа година. Правните субјекти ќе имаат три месеци да го запишат нивниот краен сопственик. уписот ќе биде без надомест. Податоците ќе бидат јавно достапни за сите, што претставува голем исчекор кон транспарентноста во правен промет, вели Бошковска – Јанковски.