🎥 📞Ајдини: Палката за формирање влада во Косово е во рацете на Уставнот суд

You must need to login..!

Опис

Палката за формирање нова влада во Косово лежи во Уставниот суд, брифира директно од Приштина, новинарот Илир Ајдини.

Тој во Утрински брифинг се осврна на тамошната ситуација и го образложи ставот на Уставниот суд.

„Косово беше на раб на поголема криза, да се добијат две влади. Едната во оставка, разрешена, онаа на Курти и другата формирана од моменталнаа опозиција на чело со партијата на Иса Мустафа, но Уставниот суд донеси времено решение. Одлучи да има мораториум, да нема можност за формирање нова влада, да се почека да се испитаат сите можности за нов договор.Договор меѓу партијата на Курти и другите партии, не е можно да има. Многу се раскарани што не може да се договорот. Се обидува да посредува странскиот фактор но и тие немаат успех. Останува надежта дека тоа ќе го направи Уставниот суд како последна инстанца. Партиите ќе треба да ја почитуваат таа одлука“, вели Ајдини.

Тој смета дека партијата на Албин Курти покажува сила и бара нови избори, но поддршката која ја манифестираат, смета дека е повеќе декларативна.

„Лично сметам дека не е реална сликата која партијата на Курти ја создава. Јавниот настап на поддржувачите на партијата се агресивни и убедени се дека би освоиле апсолутно мнозинство. Уставниот суд пак, даде рок до 29.мај да не се чепка во формирање на нова влада. Мислам дека дотогаш ќе излезе и со некаков став, а очекувам дека од постоечкото мнозинство ќе одлучат да се формира нова влада“, вели Ајдини, кој според најавите, тврди дека нови избори во Косово може да се очекуваат но не пред октомври.

Околу состојбата со корона вирусот тој кратко потенцираше дека таа е прилично охрабрувачка, бидејќи секој ден има се повеќе бројки на излечени и релативно мала бројка на заразени, но главниот проблем кој го посочи е недоволното тестирање.

Напишете коментар

Вашата адреса за е-пошта нема да биде објавена. Задолжителните полиња се означени со *

twelve + 15 =