🎥 📞Атанасов: Потребен е комплетен ремонт и дигитализација на образованието во првите нивоа, за жал се нема визија

You must need to login..!

Опис

Идните наставници кои се стекнуваат со знаење на факултетите, треба да се обучуваат во насока на модерното време и технологијата, бидејќи реформите во образованието треба да бидат насочени кон начинот на кој децата сега функционираат, а тоа е користењето на дигиталните алатки, вели Петар Атанасов, поранешен заменик министер за образование.

„Министерството за образование ги има сите алатки за да подготви проект за да се одвива наставата дигитално. Додека бев во министерството предложив проект, првите три одделенија да се префрлат на дигитални носачи, каде децата би имале се на едно место. Но тоа претпоставуваше промена на наставната програма од која што учат. На педагошките факултетите, наставниците мора да се подготвуваат да работат во насока кон технологијата, не само во кризни состјби туку во редовната настава. Сега на 10 различни начини може да се стапи во контакт со учениците“, потенцира Атанасов.

Атанасов дополнува дека Бирото за образование треба да започне со дигитализација на образовните содржини.

„Зошто се уште да држиме учебници од пред 10 години, наместо да им предаваме полесно на децата на начин кој е посвојствен за нив. Тие бараат брзо мултимедијално образование. Тоа не може преку ноќ, но треба да се започне. Проектот требаше да биде пилот-проект во септември, но откога заминав тоа очигледно застана. Тоа беше проект подговен од експертска група а сега ќе беше прилагодно. Исто, Бирото треба да се засили, не може со по еден советник да се покрива цела една предметна настава. Таму треба да работат повеќе експерти за вежби, пракса, поврзување. Ние не треба на децата квизови да им даваме туку заокружени целини. Време е да почнеме да се менуваме. Изминативе три месеци можат да бидат поука“, тврди поранешниот заменик-министер.

Вели, институциите мора да ги подготват наставниците, да ги екипираат, а околу 95 отсто од наставниците можат да ги совладаат техниките.

Тој ја застапува идејата за целосен ремонт во образаованието, но, за жал вели Атанасов, нема лидерство и визија кај креаторите на политиките.

„Време е за целосен ремонт во образовниот систем, да се прилагодиме на модерното општество. Не може децата да одат напред а ние зад нив. Образовните програми треба да се прилагодат на модерното време и возраста на децата. Ремонтот треба да започне од прво одделение па да продолжи. Доколку во наредните две три години не го реформираме образованието, ќе ја платиме цената на неквалитетни генерации. Секоја години ни доаѓаат се понеписмени ученици. Ако сакаме квалитет, потребна е поголема, сложена работа, насока и визија. Имаме човечки ресурси и знаење, само треба да има водство“, дециден е професор Атанасов.

Во однос на онлајн наставата поради пандемијата со Ковид 19, Атанасов вели модификациите за обраозовната програма многу полесно се прават во високото образование, додека кај првите нивоа, сега клучната улога ја има родителот.

Атанасов го потенцира и фактот што ги немаат сите деца истите услови за онлајн програма, притоа посочувајќи ги руралните средини каде нема дигитални услови за децата да одговорат на задачите.

„Построга анкета или истражување би покажала колку деца ги немаат овие услови. Во пониските нивоа на образование, во моментов најголем учител е родителот. Неговата улога се мултиплицира. Тој треба да даде поддршка, да работи со децата“, вели поранешниот заменик-министер.

Коментирајќи ја државната матура, за неа вели во моментов е најтешката задача за МОН, а идејата за квафикациони испити не е лошо решение.

„Контрола на квалитет мора да има но треба да се прилагодиме на ситуацијата. Квалификационите испити не се лошо решение. Но исто мислам дека Државниот испитен центар има кадри кои можат да создадат модели за испитување на завршните години и може да се обидат да направат пилот-проект за електронска матура под услови какви што се сегашните. Ако се слични предметите, ако ги знаеме нивоата на знаење кои се бараат, може да се направи обид да се види како тоа би изгледало“, посочи Петар Атанасов во Утрински брифинг.

Напишете коментар

Вашата адреса за е-пошта нема да биде објавена.

5 + 12 =