🎥 📞Андоновиќ: Се појави можен наследник за лидерското место на Ким џонг Ун кој може да ја искомплицира политичката иднина на Северна Кореја

You must need to login..!

Опис

Претседателот на САД Доналд Трамп изјави дека има јасна престава за тоа каква е здравствената состојба на лидерот на Северна Кореја Ким Џонг Ун и се надева дека е во ред. „Не можам да ви кажам точно“, рече Трамп. „Да, имам многу добра идеја, но сега не можам да зборувам за тоа. Само му посакувам добро“, изјави Трамп. Тој очекува дека во наредниве денови ќе се обелодени неговата здравствена состојба и дека ќе се опорави од евентуалниот хирушки зафат. Гласините за лошата здравствена состојба на Ким во јавноста започнаа да се шират, откако тој не се појави на комеморацијата на 15 април на 108-от роденден на неговиот дедо, основачот на Северна Кореја, Ким Ил Сунг.

Јужнокорејските медиуми, повикувајки се на неименуван извори од Северна Кореја, објавија дека 36-годишниот лидер се опоравува откако поминал кардиоваскуларна процедура на 12 април. Шпекулациите се зголемија дека тој може да биде болен или дури и мртов.

Неговата евентуална смрт или вегетативна состојба, за која исто така се шпекулира, ги подгреа сценаријата за развојот на политичката иднина на една од последните комунистички држави во светот. Особено што Ким Џонг Ун нема свој крвен наследник, па неговата евентуална смрт би можела да ја прекине 70 годишната традиција на владеење на неговото семејство со Северна Кореја. Власта која преминуваше од неговиот дедо на неговиот татко, од кого ја наследи лидерската позиција сега би можела да биде прекината. Во обид да се спаси ,,божјата крвна лоза на династијата Ким“, започнаа и шпекулациите дека како можен наследник на лидерското место на Ким би била прифатлива неговата сестра која изминатите години откако тој е на власт го следеше на речиси сите негови политички активности и медиумски настапи. Како втора опција се споменува и неговата тетка, Ким Кјонг-хуи, која не се појавува во јавност откако Ким нареди да се убие нејзиниот сопруг.

Но, од вчера во шпекулациите за можен наследник на Ким е посочен и неговиот чичко Ким Пјонг Илл, односно полубрат на неговиот татко, Ким Џонг Илл, или уште попрецизно, вонбрачниот син на неговиот дедо, таткото на нацијата Ким Илл Сунг.

Неговата мајка работела како секретарка на севернокорејскиот лидер кој подоцна, не негирал дека му е син, но беше принуден да го тргне во дипломатските служби низ светот, за да нема влијание врз домашната политика. Опасноста за влијание врз домашната политика беа базирани пред се поради неговата физичка сличност со неговиот татко, Ким Ил Сунг но и неговата нескриена амбиција да биде влијателен во севернокорејското општество

Тој долги години живееше во странство и од неодамна се врати во Северна Кореја. Интересен податок за него е дека својата кариера ја започнал во порнашена Југославија како дипломат. Оваа опција дополнително ќе ја искомплицира трката за новиот севернокорејски лидер бидејки Ким Пјонг Илл има крвна врска со династијата Ким, и е маж, што многу значи во севернокорејското општество. Особено што неговата физичка сличност со неговиот татко може да извлијае, и да биде пресудна врз наметнување на авторитетот кај севернокорејците.

Некои од првичните анализи укажуваат дека неговото појавување на политичката сцена може да го искомплицира односот на силите во политичкото и военото влијание на комунистичкиот естаблишмент кое покажува знаци на поделба и конфронтација. Можеби оттаму доаѓа и оптимизот во изјавите на Доналд Трамп, кој очигледно има инфомации или пак се надева дека доаѓањето на евентуално нов лидер на Северна Кореја, кој како член на династијата Ким ќе биде прифатен од севернокорејците, ќе ја смени досегашната затворена и тврда политика на Пјонгјанг.

Во ова сценарио Трамп гледа и конечно решавање на 60 годишниот политички проблем на САД со Корејскиот полуостров. При ваквиот развој на настаните, изборните стратези на Трамп, нема да ја пропуштат шансата да истакнат дека неговата администрација конечно ја анулирала нуклераната закана на Северна кореја и ги донела демократските вредности на корејскиот полуостров. Сето ова, со цел да се анулира нарушениот рејтнг на Трамп поради лошите проценки и последиците од коронавирусот.

Напишете коментар

Вашата адреса за е-пошта нема да биде објавена. Задолжителните полиња се означени со *

19 − 2 =