🎥 📞Андоновиќ: Годишнината од победата над фашизмот Русија ќе ја одбележи со парадирање на воената авијација

You must need to login..!

Опис

Вкупниот број на инфицирани од коронавирусот во светот се искачи на 3 милиони и сто илјади. Досега починаа 218.000, а излекувани се 928.000 лица

Во САД се регистрирани над еден милион заразени и над 58.000 починати. Бројката на жртви ја премина онаа на жртвите од виетнамската војна.
Во меѓувреме, продолжуваат и обвинувањата меѓу САД И Кина за виновникот за пандемијата. Особено откако кинеските државни медиуми соопштија дека сите пациенти со Ковид – 19 во Вухан, епицентарот на корона вирусот, се отпуштени од болниците. Но скептицизмот останува за бројките кои ги објавува земјата, делумно со обвинувања дека владата првично се обидувала да го скрие обемот на заразата, како и дека се уште не ги кажува точните податоци околу состојбата на ширење на коронавирусот.

Земјите вклучително САД и Австралија побараа истрага за тоа како болеста се претвори во глобална пандемија, а американскиот претседател Доналд Трамп го критикуваше справувањето на Пекинг со вирусот, велејќи дека има многу причини Пекинг да се смета за „одговорен“. Тврдењата на САД дека вирусот всушност потекнува од институтот за вирологија во Вухан со високо-безбедносна лабораторија за биосигурност, беа отфрлени од Кина која ги обвини американските политичари за „очигледни лаги“.

Во меѓувреме, мнозинство во Претставничкиот дом кое го сочинуваат демократите не дозволуваат продолжување на седници следната недела, како што беше планирано, заради ризикот поврзан со пандемијата на новиот коронавирус. Ова пролонгирање на седниците ќе го одолговлечи изборот на кадровските решенија предложени од Доналд Трамп за клучни позиции во неговата администрација, за што тој претходно обвинуваше дека демократите во конгресот вршат намерна опструкција и дека коронавирусот го користат како алиби за своите намери.

И Русија ги заострува мерките во борбата со коронавирусот, а претседателот Путин првичното одлагање на традиционалната воена парада по повод денот на победата врз фашизмот 9 мај, го замени со свечени прелети. Најавено е над небото на Москва да прелетаат најновите и најмодерни бобрени авиони и хеликоптери во парадна формација и така да биде одбележана 75 годишницата на победата над фашизмот.Русија во моментов има регистрирани 93.558, заболени и 867 починати, но стравува дека пикот на пандемијата допрва доаѓа.

Од политичките случувања во соседството, денеска се очекува да биде објавен составот на новата косовска влада. Кандидатот за нов премиер на Косово, Авдулах Хоти од Демократскиот сојуз на Косово на Иса Мустафа најави дека партиите денеска ќе потпишат договор за нова владејачка коалиција и ќе го најават составот на новата влада. По состанокот со претседателите на Алијансата за иднината на Косово и Социјалдемократската иницијатива, Рамуш Харадинај и Фатмир Лиам, тој рече дека разговорите за коалицијата завршиле и дека има договор со повеќето партии. Коалицијата ќе го вклучува и Новиот косовски сојуз на Беџет Пацоли, рече Хоти. Демократската партија на Косово најави дека нема да гласа за ниедна влада освен ако не е нејзина и ќе остане во опозиција.

Напишете коментар

Вашата адреса за е-пошта нема да биде објавена. Задолжителните полиња се означени со *

16 + 13 =