🎥 Шкријељ: Управниот одбор на градинките да достават предлог до општините за ослободување од плаќање на сметките за март-јуни

You must need to login..!

Опис

Скринингот на вработените во градинките се уште трае, затоа и се пролонгира отворањето на овие претшколски установи, рече денеска во Скопски агол на Утрински брифинг, дополнителната заменик министерка, Санела Шкријељ.

Скринингот е се уште во тек. Важно е да се спроведе во сите градинки бидејќи важно е да знаеме во каква здравствена состојба се воспитувачките, негователкиите и останатиот персонал, со цел да превенираме ширење на зараза доколку има позитивни случаи помеѓу персоналот. Протоколите за работа на градинките се донесени од страна на Владата, градинките се запознати со нив, и штом ќе заврши скринингот, ќе биде донесен датум за почнување со работа. За тоа ќе информираме неколку дена претходно, нема да биде од денес, за утре, за да можат родителите да се подготват, бидејќи предност ќе им се даде на децата чии двајца родителите морат да се вратат на работа. Очекуваме на почетокот на јули да се отворат градинките, објасни Шкријељ. Таа ги повика управните одбори на градинките да достават предлог до општините за ослободување од плаќање на сметките за градинка, за месеците во кои градинките не работат.

Согласно Законот, основачи на градинките се општините. Тие треба на Совет да ја изгласаат одлуката за ослободување од плаќање на минималната сума, на предлог кој до општината ќе го достави Управниот одбор на градинките. Нема никаква законска пречка Советот на општината да ја изгласа оваа одлука, и општините тоа го знаат, објасни Шкријељ. Таа додаде и дека во услови на криза функционира оперативниот план на МТСП.

Имаме непречена реализација и голем интерес за мерките за самовработување, субвенционирање на плати. Со оваа мерка имаме поддржано 1200 нови работни места. Без пречка се исплатува младинскиот додаток, околу 3000 млади лица ја користат оваа мерка. Очекуваме и финансиска помош од ЕУ за вработување и самовработување. Тоа ќе значи нови 10 милиони евра. Овој проект очекуваме да стартува од септември, а приоритет ќе бидат тие кои работните места ги изгубиле токму во овој период, рече Шкријељ. Таа ги повика сите кои останале без приход поради истекување на работниот договор, да ја искористат помошта од Министерството. – Сите кои останале без приход можат да влезат во системот за социјална заштита и да примаат гарантирана минимална помош. Ги намаливме критериумите, па така ако порано ги гледавме приходите на семејството за изминатите три месеци, сега ги гледаме само за последниот месец. Затоа ги охрабрувам сите кои останале без работа, а имаат ниски проходи во семејствата, да се обратат во центрите за социјални работи, објасни дополнителната заменик министерка. Таа исто така нагласи и дека бројот на пријави за семејно насилство е зголемен откако е започната котона кризата.

Ги повикувам жртвите да пријавуваат. Но, не анонимно, за да можеме да им излеземе во пресрет. Ова го кажувам бидејќи најголем број од пријавите се анонимни, а во тој случај можеме да им дадеме само психо- социјална поддршка, додаде Шкријељ.

Напишете коментар

Вашата адреса за е-пошта нема да биде објавена. Задолжителните полиња се означени со *

16 + 7 =