🎥 Хајредини: Приоритет на одредени партии е по секоја цена да ја користат оваа криза за да останат, а некои за да дојдат на власт

You must need to login..!

Опис

-Не живееме во време и простор каде што имаме влади, раководства и политичари кои треба да не импресионираат, имајќи предвид што последниве децении овде се случува. Имаме што повеќе причини да критикуваме одошто да фалиме, затоа што резултати нема, изјави за Утрински брифинг, Џевдет Хајредини, експерт за финансии, аналитичар и поранешен министер за финансии.

Трет пакет економски мерки

-Владата прави тоа што според нејзина оценка е оптимално и е во согласност со ограничените ресурси за справување со оваа криза. Буџетски пари за подолготрајна криза, Македонија нема. Кога велам подолга мислам на 3,4 месеци. Овој пакет мерки е во согласност со она што државава успева да најде или ќе најде извори да ги финансира предвидените таргети. Има една фалинка околу списокот на потенцијалните корисници на парите. Премногу се расфрлуваат со бројки. Што подетално се впушта Владата во детали да дефинира се, толку повеќе дава можност овие мерки да се злоупотребуваат.

Ставот на опозицијата е дека на Владата и недостасува стратегија

-Ако има некој таква стратегија која не ја знае оваа Влада, од каде ја знае пак онаа на ВМРО-ДПМНЕ. И ако таква стратегија постои а на СДСМ не и текнува тогаш нека ја кажат ако е добро за народот.

Економското опстојуваање на Македонија во глобалната економска криза

-Оние кои ги прават анализите ја знаат структурата на економијата во одредени земји. Македонија не е земја која многу зависи од туризмот, за разлика од другите земји. Нас најмногу не погодува германската економија. ЕУ сепак најавува дека Западен Балкан ќе добие конкретни пари како поддршка. И тука е тој оптимизам. Но тие пари не легнуваат веднаш на сметка. За нив да ги користиш е потребен административен капацитет.

Брзи избори

-СДСМ бара брзи избори поради фактот што кризата се појави токму во време кога требаше да бидат изборите. Се направи мала грешка околу закажување на предвремени избори и сега сме во една дефектна ситуација. Што се однесува до односот на ВМРО и ДУИ, тие работат координирано дури и кога изгледа дека не се согласуваат. Мицкоски вели дека ќе победел на избори кога и тие да се одржат, но здравјето мора да биде пред се. Па вели дека СДСМ го жртвува здравјето на граѓаните а да се намали изборниот пораз. Продолжува дека не би сакал да биде премиер на држава каде што еден човек би изгубил живот. ДУИ пак вели дека е единствена партија на која датумот за избори не и влија за победа на истите. Јас велам, да, тоа е точно, но како да биде обратно кога луѓе земаат плата а не одат на работа. Работата ја оставија да ја тера Мицкоски, а тие велат услов е да помине кризата со пандемијата, вели Џевдет Хајредини.

-Бујар Османи најави дека ДУИ имаат 10.000 активисти кои ќе ги посетуваат фамилиите. И не е само тоа. Дента пред почетокот на Рамазан, Али Ахмети, во честитката дури нагласи дека два дена пред почетокот на Рамазан, активисти на ДУИ посетиле повеќе од 2000 семејства само за да им кажат дека не се сами. Тоа е скандал! Некој да се фали дека посетиле над 2000 семејства во време на пандемија. Значи според овие постапки, тврдам, дека не е точно дека на партиите врвен приоритет им е здравјето на граѓаните. Ним врвен приоритет им е да бидат на власт.

Напишете коментар

Вашата адреса за е-пошта нема да биде објавена. Задолжителните полиња се означени со *

six − 3 =