🎥 Скопски агол: Влијанието на КОВИД-19 врз менталното здравје

You must need to login..!

Опис

Тримесечниот период кој граѓаните го живеат со воведени рестриктивни мерки поради коронавирусот, штетно влијае врз менталното здравје. Ова денеска во Скопски агол на Утрински брифинг го истакна гешталт терапевтот, Даниела Трајковска.

Кога постепено се воведуваше полициски час граѓаните беа подготвени и со помалку стрес ги доживеаа рестриктивните мерки, но откако по олабавување на мерките повторно беше воведен полициски час, се покажа дека на граѓаните им е многу поважно психичното отколку физичкото здравје. Затоа и масовно ги напуштија домовите, дури и по цена да го загрозат своето здравје, но и здравјето на останатите. И тоа од психолошки аспект е разбирливо, вели Трајковска. Таа овјаснува дека промената во расположението, нарушениот сон и промена во навиките се доволна причина да се разговара со психотерапевт.

Промена во сонот, во расположението, промена на навиките, негрижа за секојдневните хигиенски навики или прекумерна грижа доведуваат до непријатна состојба на лицето кај кое се појавуваат. Доколку овие промени се проследени и со анксиозност и со панични напади, со разговор со психотерапевт полесно ќе се надминат овие состојби кои се последица на променетата состојба во која живееме и секако егзистенцијалната криза со која голем број семејства се соочуваат, објаснува Трајковска. Психолошка помош граѓаните можат да добијат бесплатно во Гешталт институтот.

Околу 30 колеги од Гешталт институтот стојат на располагање на сите кои ќе ни се обратат. Сите информации можат да ги најдат на веб страната на Институтот или на фејсбук страната. Таму има термини, на кои може да си закаже терапија кај слободните психотерапевти, вели Трајковска.

Напишете коментар

Вашата адреса за е-пошта нема да биде објавена. Задолжителните полиња се означени со *

5 + 17 =