🎥 Здружението на културни промотери се грижи за безбедноста на публиката и сака да придонесе за развојот на културата

You must need to login..!

Опис

Потребата од здружувањето на сите промотери на културни настани и концерти беше да се засили позитивното влијание во јавноста за предлог мерките за заштита што ги поднесовме до Комисијата за заразни болести, рече Теодора Васиљевиќ, претседателка на новформираното здружение на културни промотери.

Таа за УБ кажа дека предлозите за тоа како безбедно да се одржуваат културните настани, здружението ги формирало според преораките на Светската здравствена организација, како и искуствата на други европски држави и протоколи кои биле создадени од слични иницијативи како што се „Музика сега“ и ИВАП. „Наша прва обврска како организатори е публиката да биде безбедна, законски сме обврзани да имаме медицински лица на нашите настани. Еден од нашите предлози е во првата фаза од 1 до 15 јули да се почне со настани со ограничен број од 300 посетители, а потоа до 30 јули бројката да се зголеми до 1000 посетители.

Нагласивем дека ќе имаме зголемен број на медицински лица, ќе се мери температура на посетителите, препорачавме онлајн купување на билетите, дури создадовме нова позиција на Ковид меначер кој ќе има свој тим“, вели Васиљевиќ. Во новото здружение членуваат организациите што во изминативе неколку децении се истакнаа како најреномирани организатори на музички/културни настани (МКЦ Скопје, „Пасворд“, „Авалон“, СЏФ), но и помали организации и поединци во оваа индустрија.

„Ова Здружение не се формираше само заради пандемијата, имаме повисоки цели: да придонесеме за развојот на културата и да создадеме стратегии и можности за подобри услови на нашата работа“, вели Васиљевиќ.

Напишете коментар

Вашата адреса за е-пошта нема да биде објавена. Задолжителните полиња се означени со *

five − four =