🎥 Богоев: Адреналинскиот парк е готов, до крајот на мандатот во Карпош ќе има 100.000 м2 зеленило

You must need to login..!

Опис

Адреналинскиот парк во Карпош, се чекаат формалности за да се пушти во употреба, некаде до крајот на летото се очекува да биде во функција на граѓаните, рече денеска во Скопски агол на Утрински брифинг, градоначалникот Стефан Богоев.

– Адреналинскиот парк и паркот кој во моментов се подготвува на местото на поранешната депонија, на површина од околу 70.000 м2 треба да претставуваат една целина. Иако, покрај нив ќе поминува новиот мост на улицата Љубљанска кој ќе го поврзува Карпош со Бардовци и Злокуќани. Ова е содржинскиот дел од паркот, каде што има и карпа за искачување, детско игралиште, скејт парк, додека во другиот дел од паркот ќе доминира зеленилото. Овој парк тука, е на површина од 7.000 м2, додека другиот е 10 пати поголем. Верувам дека до другото лето овој дел од градот ќе биде значително променет. Додека пак, за адреналинскиот парк нема да се чека уште многу.

Во наредните 2-3 недели следува технички прием. Критериумите се построги, бидејќи е финансиран од Светска банка. Замислата е овој парк да се користи во попладневните часови, бидејќи е соодветно осветлен, рече Богоев. Тој додаде се уредува и дворот на О.У. Лазо Трповски.

– Дворот на училиштето е на површина од 11.000 м2. Се садат нови тревни површини. Има ново игралиште за фудбал, ракомет, сервис, кошарка, фитнес зона и детско игралиште. Паркот, по завршување на часовите ќе можат да го користат сите. Верувам дека до крајот на мандадот ќе имаме 100.000 м2 ново зеленило, заедно со овие паркови и сп уште неколку на микро локации, дополни Богоев. Тој ги коментираше и овбинувањата дека работи само за време на избори.

– Во Македонија секоја година има избори, парламенратни, претседателски, мината година имаше и референдум, следната година ќе има локални избори, можеби затоа луѓето имаат таков впечаток. Но, тоа не е точно, еве изборите завршија а ние продолжуваме да работиме, нагласи Богоев, и рече дека покрај останатите активности, Општината прави подготовки за евентуалниот старт на учебната година.

Напишете коментар

Вашата адреса за е-пошта нема да биде објавена. Задолжителните полиња се означени со *

sixteen − 10 =