🎥 Барзов: Штипското стопанство зависно од западниот пазар

You must need to login..!

Опис

Штип е град каде што функцира текстилната, метало-преработувачката индустрија и сет на фирми кои шпто функционираат во слободните зони. Текстилните компании се преориентираат кон производство на заштитна опрема, маски, скафандери за локалниот и надворешниот пазар. Очекуваме во периодот кој што следи да се сумираат сите нарачки, колку и во кој сегмент ќе бидат покриени во летниот период. Нарачките се редуцирани заради намалената побарувачка од западниот пазар, изјави за Утрински брифинг, Наум Барзов, ко-сопственик на чевларската фабрика „Баргала“.

-Метало-преработувачката индустрија исто така има голем пад бидејќи е поврзана со автоиндустријата во Западна Европа. Тука имаме нивни подизведувачи кои искористија поволности од владата, и се надеваме дека во Западна Европа ќе се стабилизира состојбата а со тоа ќе се врати довербата на крајните потрошувачи и ќе почнат да купуваат производи.

Околу информациите за отпуштањата и принудни одмори, Барзов дециден дека до сега нема таква појава во Штип.

-Не верувам дека компаниите ги чекаат мерките на Владата за да знаат што треба да направат. Пред се чекаат да се стиши состојбата на западните пазари каде што имаат долгогодишни договори, за да дојдат нови нарачки и да се продолжи со традиционалниот начин на прозиводство и работа. Не верувам дека сите ги чекаме економските мерки на Владата иако се добродојдени, додава Барзов.

Банките како организации за генерирање на профит, со сопственичка структура каде нивен интерес е зголемување на профит, нормално е пласманите да им бидат по ниски и не верувам дека нешто ќе се подобри од страна на банките. Затоа во вакви услови најдбар играч и стимулатор на потрошувачката треба да биде државата, вели Барзов.

Во видеото погледнете го разговорот каде што Барзов говори за фабриката „Баргала“ и проблемите со кои тие се соочуваа, со проблемите околу ликвидноста, непредвидените проблеми и начинот на кој што ги надминуваат.

Напишете коментар

Вашата адреса за е-пошта нема да биде објавена. Задолжителните полиња се означени со *

two + 5 =