🎥 Андоновиќ: По трговијата и пандемијата, Хонгконг следна причина за студена војна меѓу САД и Кина

You must need to login..!

Опис

Кина и САД се наоѓаат на раб на нова студена војна, американската администрација најави дека ќе воведе санкции против Кина доколку Пекинг одлучи да го примени законот за национална безбедност со кој ќе добие поголема контрола врз Хонгконг.

Советникот на американскиот претседател за национална безбедност, Роберт О’Брајан оцени дека предлог-законот претставува преземање на Хонгконг, наведувајќи дека последиците од неговата примена ќе биде градот да го задржи „високото ниво” на автономија и би можел да го загуби својот статус на голем центар на глобалните финансии. Тоа според Вашингтон ја негира главната причина зошто финансиските услуги се одвиваат преку Хонконг за што досега главната сигурност било владеењето на правото, кое предвидува слободно претприемништво и капиталистички систем. Но доколку се донесе новиот закон, практично ќе се урне капиталистичкиот и ќе се воведе комунистичкиот систем што тамошната фиансниска заедница ќе ја принуди да го напушти Хонконг, смета Вашингтон.

Кина пак соопшти дека е „крајно неопходно” да се донесе законот за национална безбедност за Хонгконг. Со законот ќе се воспостави кинеско национално законодавство и ќе се подобрат правниот систем и извршните механизми за специјалниот административен регион Хонгконг, соопшти Пекинг. Сепак, се смета дека причината поради која Кина го воведува новиот закон е одговор на минатогодишните, честопати насилни продемократски демонстрации и жестоки судири со полицијата од враќањето на Хонг Конг во кинески суверенитет во 1997 година. Спорниот закон предвидува забрана за отцепување, мешање од странство, тероризам и сите други сепаратистички активности насочени кон соборување на централната власт и странско мешање во внатрешните работи на поранешната британска колонија.

Демонстрантите во Хонг Конг ја сметаат таа најава како грубо мешање на кинеската Комунистичка партија во автономијата на Хонг Конг и најавија продолжување на протестите. Властите на Хонконг оценија дека со потегот на Пекинг, во Хонконг се зголемил тероризмот и насилствата на улиците. Изминатиов викенд илјадници луѓе излегоа на протести поради планот на Пекинг да воведе нови безбедносни закони. Во протестите се уапсени повеќе од 180 луѓе, а припадниците на безбедносните сили употребиле солзавец и водени топови за растерување на демонстрантите.

Напишете коментар

Вашата адреса за е-пошта нема да биде објавена.

15 − one =