🎥 Андоновиќ: Обид на разединетата српска опозиција да се обедини преку реформирање на демократите на убиениот Ѓингиќ

You must need to login..!

Опис

Членови на главниот одбор на опозиционата Демократска партија преку собирање потписи се обидуваат да иницира смена на актуелниот претседател на партијата Зоран Лутовац. Главната забелешка за раководењето на Лутовац со партијата е неговата политика на бојкот за престојните парламентарни локални и покраински избори во Србија закажани за 21 јуни.

Лутовац кој ја предводи Демократската партија на поранашениот српски премиер Зоран Ѓингиќ заедно со партијатата на Драган Ѓилас и партијата Двери на Бошко Обрадовиќ најавуваат бојкот на изборите, сметајки дека нема услови за фер и демократски избори. Лидерот на Двери Обрадовиќ започна и штрајк со глад во обид да го привлече вниманието на јавноста за своите барања: дијалог со власта и пролонгирање на изборите до есен.

Во меѓувреме, приврзаниците на Вучиќ и неговата партија сакаат обвинителите да го испитаат Обрадовиќ во врска со инцидентот на 8 мај, кога членовите на Двери влегоа во расправија со министерот за здравство пред парламентот. Двајца членови на парламентот од Српската напредна странка излегоа на штрајк со глад на 10 мај во знак на протест против инцидентот. Вучиќ ги повика сите страни да престанат со штрајкот со глад и опозицијата да влезе во преговори, истовремено предупредувајќи дека сите собири треба да завршат со оглед на тековната пандемија на коронавирус.

Другиот дел на опозицијата предводен од поранешниот престедател на демократската партија и на Србија Борис Тадиќ и партијата на актерот Сергеј Трифуновиќ сметаат дека бојкотот на изборите нема да ја доведе никаде Србија и дека само ќе му овозможи лесна победа на Вучиќ и неговата партија. Тадиќ не се согласува со насилствата на коалициониот партнер на Демократите, Двери па оттаму и обидите за промена на раководството на Демократите. Тадиќ изминатите месеци се обидува да издејствува обединување на сите партии и политичари кои потекнуваат од редовите на поранешната Демократска партија, а која се распадна со неговиот пораз на престедателските избори во 2013 година Само така обединета, опозиционата Демократската партија би можела да го порази Вучиќ, вели Тадиќ.

Што се однесува до третата групација на српската опозиција, тие како парламентарни партии соопштија дека ги подржуваат плановите Србија да оди на парламентарни избори на 21 јуни. Српските радикали на Воислав Шешељ и партијата ЛДП на Чедомир Јовановиќ сметаат дека останатите две опозициони групации имаат за задача да ја дестабилизираат Србија и да ги продадат националните интереси на земјата.

Напишете коментар

Вашата адреса за е-пошта нема да биде објавена. Задолжителните полиња се означени со *

12 + 12 =