🎥 Активистката Велковска: Предизборната кампања завршува, а никој не ги спомна бездомните животни

You must need to login..!

Опис

Предизборната кампања е пред крај, а речиси никој не ја спомена благосостојбата на животните. Ова денеска во Скопски агол, на Утрински брифинг го истакна Драгана Велковска, советничка во Советот на Град Скопје и активист за правата на животните и за животна средина.

Животните се на марганите. Верувам дека тоа е така бидејќи двете најголеми партии кои имаат моќ да го сменат македонското општество, воопшто не се заинтересирани за правата на животните, што се гледа од нивните изборни програми. Во програмата на СДСМ, животните се споменуваат дури 17 пати, но за убиство, експлоатација, живо извезување на животни. Во програмата на ВМРО ДПМНЕ гледаме дека животните се третираат како предмети, дури сакаат да го унапредат ловот и риболовот, цели Велковска. Таа ги обвинува политичките партии за занемарување на животните, за сметка на нивниот личен интерес и профитот.

Анима мунди доставија листа со барања кои се однесуваат на благосостојба на животните, и побараа од кандидатите за пратеници јавно да ги искоментираат и да кажат дали ги прифаќаат и дали ќе ги спроведат. Со тоа им даваме уште една шанса на политичарите, а наредните избори ќе бидат сосема поинакви. Тоа значи активистите за животни ќе оформат сопствени листи и платформа, и за тоа ќе бараат поддршка од јавноста. Бидејќи промените ги носат луѓе кои се навистина посветени, истакна Велковска. – Решавање на проблемот со кучињата скитници, таа најави, кога стационарот за бездомни животни ќе го добијат активисти.

Се додека стационарот не го добијат активисти, ќе се случуваат постојано инциденти со бездомните животни. Ќе се пишуваат програми кои се незаконски, како што можевме да видиме во февруари за скандалозната програма ба Лајка, за што имаше и јавна расправа. На програмата што ја усвоија на последната седница на Советот, јас повторно гласав против, бидејќи се уште има незаконски елементи, како азил за трајно стационирање на животните, што е контрадикторно на концептот “залови, стерилизирај, вакцинирај и врати” бидејќи таа е единственета ефикасна програма што го решава проблемот со бездомните животни. Без оваа програма ќе се вртиме во круг, а јавноста ќе се манипулира со лажни изјави, рече Велковска.

Напишете коментар

Вашата адреса за е-пошта нема да биде објавена. Задолжителните полиња се означени со *

4 × 2 =