Џијан: Ќе направиме се’ да го вратиме музичкиот живот каков што беше пред пандемијата

You must need to login..!

Опис

На петтото издание на манифестацијата „Today It’s All About Jazz“ беше промовиран албумот „Џијан Емин & Магичен оркестар – во живо во Охрид“ („Dzijan Emin & Magical Orchestra – Live in Ohrid“), кој е прво издание на ЗЏМ Рекордс, снимен е во живо на концертот одржан во Охрид, во 2019 година. Џијан Емин е композитор, диригент, мултиинструменталист, аранжер и едно од најзначајните авторски имиња на современата македонска музика.

„На албумот има пет композиции од тој концерт во Античкиот театар. Изборот на композициите си дојде сам по себе, прво заради тоа што најголем дел од овие композиции досега не беа издадени и второ, овие аранжмани и овој звук на оркестарот кој е составен од 24 музичари е многу невообичаен и можам да кажам – за наши услови е реткост, да имаме ваков ансамбл кој е составен од џез музичари, а во кој имаме и музчари од класичната сцена споени заедно. Се охрабрив да го издадам тој материјал бидејќи откако го обработивме и го преслушавме во студиото, одлучив дека вреди да добие свое официјално издание“, вели за Утрински брифинг, музичарот Џијан Емин.

Иако работи во Македонската филхармонија, прво како хорнист, а сега и као диригент, Емин се занимава со различни музички жанрови и има соработувано со врвни светски имиња како Феми Кути или Дерик Меј.

„Татко ми беше музичар и тој ме внесе во светот на музиката на еден многу убав, природен човечки начин и уште како мал почнав да свирам најразлична светска музика и македонска и народна, француска и целата музика од овој регион, вклучувајќи и бугарска и турска, албанска и ромска. Па потоа почнав да учам и некои француски композиции, татко ми е љубител на јужноамериканска и шпанска музика, така што уште од многу млад имав прилика да восприемам најразлична музика или она што се нарекува „world music“. Потоа кога се запишав во средното музчко училиште дојдов во посериозен допир со класичната музика, па почнавме да свириме и рокенрол, подоцна и џез и сите тие музички влијанија ме оформиле да бидам ова што сум денес“, додава Емин. Тој смета дека ќе биде тешко да се врати музичкиот живот онаков каков што беше пред пандемијата, но дека и тој лично и музичката индустрија се подготвени да направат се’ за да се продолжи со концерти и со непосредниот контакт со публиката.

Напишете коментар

Вашата адреса за е-пошта нема да биде објавена. Задолжителните полиња се означени со *

three × 2 =