Ќорвезироска: Со реобјавувањето на делата на Оливера Николова се корегира праксата да не можат да се најдат значајните книги

You must need to login..!

Опис

По повод 86-от роденден на една од најплодните, најнаградувани и најзначајни македонски писателки, Оливера Николова, издавачката куќа „Арс ламина“,го реобјавува нејзиното целокупно творештво за возрасни. Промицијата ќе се одржи во среда (30 март) во Националната опера и балет (НОБ).

„Да, ова е голем проект во рамките на едицијата „Македонски книжевни класици“ на „Арс ламина“, тоа е реобајвувањето на 12 наслови на книгите на Оливера Николова во 10 тома. Ова е грандиозен проект не само за „Арс Ламина“ и за Оливера Николова, туку овој проект има широко значење за книжевниот и културниот контекст, бидејќи творештвото за возрасни на Оливера Николова ќе го имаме во едно репрезентативно, уредено и реобјавено издание и со нови коментари, со поговори од еминентни книжевни познавачи, професори, писатели“, вели за Утрински брифинг, Оливера Ќорвезироска, писателка, литературна киритичарка и уредничка на изданието.

За прочините зошто книгите за деца на Оливера Николова не се најдоа во овие 10 томови од творештвото на оваа наша најзначајна писателка, Ќорвезироска вели:
„Целта на овој проект беше тоа што творештво на Оливера Николова не беше така акацентирано и собрано во една целина. Наш фокус во оваа едиција беше точно творештвото за возрасни да го изделиме како нешто посебно, како еден сегмент од нејзината импознатна творечка дејност, која што е многу значајна не само во домашниот, туку и во поширокиот контекст“, вели Ќорвезироска.

Според неа, со реобјавувањето на значајните дела на домашната литература се менува состојбата кога во книжарниците не можеше да се најде книга на најзначаните писатели.
Инаку, 12-те наслови во 10 тома се: „Куклите на Росица“ (со поговор од Елизабета Баковска), „Тесна врата“ (поговор Кица Колбе), „Куќичка“ (поговор Румена Бужаровска), „Тромбот“ (поговор Владимир Мартиновски), „Адамовото ребро“ (поговор Калина Малеска), „Збогум Вано, Ванке…“ (поговор Јелена Лужина), „Пешаци по црни полиња“ (поговор Гоце Смилевски), „Белиот чад“ (поговор Никола Гелевски), како и „Вежби за Ибн Пајко“ (поговор Катица Ќулавкова), во исто издание со „Песот со тажен поглед“ (поговор Давор Стојановски), и „Лева комора“ (поговор Владимир Јанковски), во исто издание со „Кадифената покривка“ (поговор Оливера Ќорвезироска).

Напишете коментар

Вашата адреса за е-пошта нема да биде објавена.

thirteen + eight =