Јосифовски: Угостителите се претворени во камелеони, прилагодувајќи се на новите мерки

You must need to login..!

Опис

Претседателот на Угостителската комора, Здравко Јосифовски вели дека затворањето на угостителските објекти требало да се случи многу порано, за како што смета тој, досега веќе да биде ставен под контрола вирусот, а пролетва да можат граѓаните слободно да се дружат на пијалок или ручек.

-Пролетните месеци е изразена желбата за дружење и социјализација, ако порано се затвореа објектите мислам дека веќе ќе го имавме надминато вирусот. Сметам дека мерката е задоцнета, но ја поддржуваме во целост, за разлика од претходно кога имавме забелешки. Дури, и ние препорачуваме мерката да не заврши за две недели, туку да потрае за еден или два месеца затоа што и во интерес на угостителите е да се најде трајно решение за намалување на бројот на заболени од ковид-19, а во меѓувреме Комисијата за заразни болести да изработи соодветни протоколи за целокупната индустрија, така што кога ќе заврши оваа мерка да ни ги отворат сите дејности и сектори во угостителството со цел да можеме да функционираме согласно протоколите и правилниците кои ќе бидат во тој момент на сила, вели Јосифовски.

Тој вели дека сите напори да се задржат вработените паднале во вода, бидејќи веќе угостителите немаат ниту од каде да се задолжат за да исплатат плати и придонеси.

-Премногу сме задолжени, но тоа е дури и срамно да го зборување во ситуација кога секојдневно умираат луѓе од Ковид-19. Не постои ниту една гаранција дека мерката што е донесена точно ќе трае две недели, и затоа очекуваме дека ќе има одјава на вработени од угостителската дејност многу повеќе од претходните пати, смета Јосифовски.

Напишете коментар

Вашата адреса за е-пошта нема да биде објавена. Задолжителните полиња се означени со *

17 − 5 =