Јовановски: Повторно ќе бидам градоначалник на Прилеп, ако ја добијам довербата на мојата партија

You must need to login..!

Опис

Лично, јас сум задоволен од успешноста на реализацијата на проектите во Општина Прилеп, и сметам дека во изминативе три и пол години направив многу за градот, рече денеска во Утрински брифинг градоначалникот на Општина Прилеп, Илија Јовановски.

-Јас се гордеам со реализацијата на проектите, Прилеп доби неколку капитални проекти. Ќе ги издвојам првите четири автобуси на метан, изградивме мост на градската река, нешто што се нема нправено 48 години, при крај е изградбата на градскиот стадион, кој за еден месец ќе го ставиме во употреба, а во исто време ќе го пуштиме во употреба и спортско реекреативниот центар на вештачкото езеро. Исто така направивме нов, современ, европски булевар. Пред еден месец ја започнавме изградбата на детската градинка во населбата Точила, со капацитет од 260 деца која ќе биде готова до крајот на годината. Особена гордост ми претставвува да ги најавам двата покриени базени. Едниот ќе биде полуолимписки, а другиот училишен, информира Јовановски.

На граѓаните најмногу им пречи патната инфраструктура, но и недостатокот на целосна водоводна и канализациона мрежа. Според Јовановски, ова се прашања на кој што секогаш може да се поработи со цел да се задоволат потребите на граѓаните за поквалитетен живот.

-Граѓаните секогаш имаат барања до градоначалникот и општинската администрација. Тоа е разбирливо. Некои бараат градинки, други бараат спортски сали, трети бараат патна инфраструктура. Се обидувам на сите да им излезам во пресрет. Со цел да ги довршам незавршените проекти, ќе ја побарам довербата од мојата матична партија, а потоа и од граѓаните, за втор градоначалнички мандат, вели Јовановски.

Напишете коментар

Вашата адреса за е-пошта нема да биде објавена. Задолжителните полиња се означени со *

one × 2 =