Јованова Грујовска: Не треба да се заборави дека Трајко Стаматоски е и основач на единствениот центар за македонска ономастика во светот

You must need to login..!

Опис

Институтот „Крсте Мисирков“ на 5 мај, ќе го објави дигиталното издание на Толковниот речник на македонскиот јазик, кој ќе биде бесплатен, соопшти Елена Јованова Грујовска, директорката на Институтот. Таа сеќавајќи се за неодамна починатиот професор Трајко Стаматоски, еден од најеминентните наши лингвисти, рече дека не треба да се заборави дека тој е и основоположник македонската ономастика и основач на на единственото одделение за макадонска ономастика во светот.

„Трајко Стаматоски го запознав кога првпат дојдов во Институтот пред 31 година, тој иако беше пензионер, многу години, секој ден доаѓаше во Институтот за македонски јазик, работеше и знаеше да каже дека вистинскиот научник не престанува да пишува денот ког аќе се пензионира, туку дека твори до крајот на животот и навистина беше таков Трајко Стаматоски. Неговиот придонес во развојот на македонстиката е извонреден, од сите некови дела, но во оваа прилика сакам да ја потсетам пошироката јавност на двата тома на Речникот на презимињата кај Македонците, чијшто автор и редактор беше тој, како основоположник македонската ономастика и секако не треба да се заборави дека Стаматоски беше и основач на на единственото одделение за макадонска ономастика на македонскиот јазик кај нас и во светот“, вели за Утрински брифинг, Јованова Грујовска, директорка на Институтот за македонски јазик „Крсте Мисирков“.

Таа информираше дека Институтот има поддршка од министерството за образование и наука и од Министерството за култура во поглед на издавачката дејност.

„Во 2020 година, иако беше пандемија, објавивме 16 нови наслови и иако годинава имамме помалку средства, не би сакале годинава тие да бидат многу помалку. Што се однесува до развојот на научната мисла, на барање на Минисстерството дадовме предлог за моделот на финансирање на научните дејности и проектите и се надевам дека се подготвува конечното враќање на финансирањето на проектите, кои повеќе од 12 години не се финасираат“, рече Јованова Грујовска. Таа кажа дека во годината на одбележувањето на 100 години од раѓањето на Блаже Конески, Институтот ја преобјави книгата „По повод најновиот напад на нашиот јазик“ од Блаже Конески, која била издадена во 1948 година.

Напишете коментар

Вашата адреса за е-пошта нема да биде објавена. Задолжителните полиња се означени со *

2 × five =