Јанкуловски за УБ: На секој вработен му е загарантирано правото да се организира во синдикат – тоа право не треба да се одземе

You must need to login..!

Опис

Секако дека ќе одговорам на неоснованите напади и обвинувања на доскорешната претседателка на Независниот академски синдикат, проф. Маја Стевановиќ дека сум правел узурпација со академската слобода, со незаконско спроведување на постапка за формирање на синдикат.

Јас како ректор на најстариот и најголем Универзитет во нашата земја имам должност и обврска да ги процесуирам информациите кои што ги добивме. Не само јас како ректор туку сите ректори на јавните Универзитети во нашата земја имаме обврска да пренесеме дека од МО се издвоини средства во буџетот за покачување на платата на вработените во Универзитетите. Значи ние само ја даваме информацијата и понатаму ништо не се мешаме.

На секој вработен му е загарантирано правото да се организира во синдикално здружување. Тоа право не треба да се одземе и да се врши притисок, впрочем како што беше во нашата ситуација. Ние само ги информиравме вработените, кој сакаше доброволно се зачлени во Синдикатот. Самиот податок дека за ден и пол успеавме да направиме репрезентативност на синдикаалната организација УКИМ зборува за успешниот момент. За толку време да соберете над 1.000 членови. Не знам кој и како би правел притисок врз некого за толку краток период.

Задачата на секој ректор, па и моја е да се погрижам за квалитетот на високото образование и стандардот на вработените. За мене пеше непоимливо да ја задржам таа информација за себе и не ја процесуирам понатаму.

Ја разбирам Стевановиќ за нејзиниот револт, заради тоа што очегледно е дека Независниот академски синдикат, кој што не е репрезентативен, ништо не направи. Секое покачување на платите е добредојдено. Го поздравувам формирањето на синдикална организација на УКИМ. Сметам дека ќе придонесе за подобрување на стандардот и условите за работа на вработените, изјави универзитетскиот професор, ректорот Никола Јанкуловски.

Напишете коментар

Вашата адреса за е-пошта нема да биде објавена. Задолжителните полиња се означени со *

4 × 3 =