Јаневски: Да продолжи рокот за искористување на ваучерите за туризам

You must need to login..!

Опис

Здружението на угостителството и туризмот при Стопанската комора на Македонија, Туристичко-угостителската комора на Македонија во рамки на Сoјузот на стопански комори (ССК) и Националната асоцијација за дојдовен туризам (НАИТМ) го реафирмираат барањето за итна смена на директорот на Агенцијата за промоција и поддршка на туризмот (АППТ), Љупчо Јаневски.

Како што соопшти ССК, ова е став на над 95 отсто од претставниците на туристичко-угостителскиот сектор. Тие подолго време укажуваат на некооперативност, дисфункционалност и непродуктивност на ресорната институција одговорна за промоција и поддршка на туризмот, за што, потсетува ССК, на 28 октомври 2020 година јавно побараа итна смена на директорот на Агенцијата за промоција и поддршка на туризмот, а кон ова барање се приклучи и Независната угостителска комора (НУК).

Од друга страна, Јаневски не го прифаќа повикот за оставка и вели дека со здруженијата, асоцијациите и коморите работат заеднички на донесување на сите можни мерки, предложени од нивна страна за ублажување на кризата и дека сите четири сегменти и сетови мерки беа донесени по барање на коморите.

-Денеска ќе имаме нов состанок каде ќе се направи пресек на досегашните мерки. Домашниот пазар со ваучер системот се надевам дека до крајот на годината треба да ги повтори истите бројки од 2019 година, изјави во Утрински брифинг директорот на Агенцијата за промоција и поддршка на туризмот, Јаневски.

-Се донесоа повеќе сета на мерки. Туристичкиот сектор скор и да е најпогоден од ковид-19. Се надевам дека ќе се изнајдат сили да се остане конкурентен на пазарот.

Ваучерите за туризам го помогнале секторот, но искористеноста е многу мала. Од околу 110 илјади граѓани кои ги добија. само 43 илјади отишле на одмор на државна сметка, вели Јаневски.

Ваучерите треба да продолжат за 2021, а исто така сметам дека на ваучерите кои не се искористени треба да им биде продолжен рок доколку е можно, бидејќи во овој момент нашите Ски центри ни се затворени, а тие може да се користат некаде до средината на декември.“ истакна Љупчо Јаневски, директор на АППТ.

Напишете коментар

Вашата адреса за е-пошта нема да биде објавена. Задолжителните полиња се означени со *

3 + 9 =