Јанева: Со прошетките низ изложбите сакам да го покажам поубавото лице на Скопје

You must need to login..!

Опис

Историчарката на уметност Бојана Јанева секој викенд организира прошетки низ изложбите во скопските музеи и оваа своја иницијатива ја нарече „Најново нормално“.

„Идејата потекна од мојот внатрешен порив, но, исто така, сакав на градот Скопје, на сите што живеат во Скопје, на луѓето што ме израснале да им дадам дел од она што најдобро го правам, а тоа се должи на моето долгогодишно искуство како историчар на уметност и кустос кој работел и во Националната галерија и во Музејот на современа уметност во период од четири години. Во овие институции видов колку многу труд е потребен за да се постави една изложба, а бидејќи имам знаење и капацитет да се поврзувам со луѓето им го пренесувам тоа колку што можат за да и тие се почувствуваат како дел од тие изложби. Овие прошетки не се наменети само за студенти или ученици, напротив можат да дојдат сите кои сакаат без оглед на возраста. Овие изминати две пандемиски години беа исклучително тешки, многу луѓе изгубија некој близок, родител, се соочија со прашања за сопствениот живот…а сега постојат бројни научни истражувања за тоа дека колку уметноста влијае врз човечкото ментално и физичко здравје и како мозокот поинаку функционира кога се гледа уметничко дело, затоа е препорачливо за сите – и млади и стари, без оглед на професиоалното определување.“, вели за Утрински брифинг, Бојана Јанева, која организира музејски тури.

Повеќе од разговорот видете во видеото.

Напишете коментар

Вашата адреса за е-пошта нема да биде објавена. Задолжителните полиња се означени со *

nine − 2 =