Јанаки Митровски: Профитот од Канабис би бил голем, но постои интенција пазарот да се монополизира

You must need to login..!

Опис

Реални се прогнозите за економските бенефити со раст на оваа гранка. Јавноста е запознаена дека 4 и пол години е легализиран во медицински цели канабисот, но самите сте свесни дека ниту пациентите добија соодветни производи, ниту бизнисот се разви како што требаше да се развие. Здружението Мак канабис имаше протести поради несоодветна државна политика, поради лошите законски, недоречени решенија. Се продолжува и сега. Сега се продолжува со таа лоша политика – се оди на интенција да се монополизира пазарот, наместо вистински да се легализира канабисот, изјави во Утрински брифинг адвокатот Јанаки Митровски.

Канабисот наоѓа широка примена. И во медицината и во рекреативното користење иако е тенка граница. Исто така, сигуурно знаете, се до крајот на 60те Југославија беше голем извозник на индустриски коноп, гранка која сега е изумрена, иако во индустриски цели не е забрането, но очигледно нема кај нас економски интерес за такво нешто, вели Митровски.

Како тргна да се развива канабис индустријата во Македонија, сите производители се извозно ориентирани. Тоа нам ни пречи, бидејќи која е поентата е да кажеме дека сме го легализирале канабисот за медицински цели, а нема производи на пазарот. Нашата идеја беше дека услов за лиценца во рок од година дена од добивањето на лиценца за садење правното лице да има производи на пазарот. Тоа беше злоупотребено од извршната власт која тоа го предочи во предлог законско решение, кое и сега истото е во Собрание.

Целиот разговор со Јанаки Митревски погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

14 − nine =