Ѕвездан Георгиевски: Проблемите во културата произлегуваат од лошо поставениот систем

You must need to login..!

Опис

Во тек е изборот за престижната книжевна награда „Роман на годината“ кој го организира Фондацијата „Славко Јаневски“. Името на лауреатот ќе биде објавено на 15 март годинава. Во изминатите 21 година стана најпрестижна книжевна награда и заради транспарентноста на процесот на селекција.

„Со текот на годините се виде дека овој транспарентен принцип на работа е многу ефикасен во смисла на тоа што зад оваа награда никогаш немало некакви сомневања, озоборувања или оспорувања на одлуките на жири комисијата. Имислам дека заради тоа оваа награда го најде своето место на македонската културна и книжевна сцена“, вели за Утрински брифинг, Ѕвездан Георгиевски, новинар и претседател на Фондацијата „Славко Јаневски“. За моменталната ситуација со стопирањето на сите исплати за проекти од страна на Министерството за култура поради финансиска контрола, Георгиевски вели дека ја гледа како системска грешка.

„Се имплицира дека во Министерството за култура е направен некој финансиски криминал или злоупотреба на положба, но тоа мене како корисник и како потписник на договор и рамноправен учесник во тој договор не треба да ме интересира. И ако јас сум ги исполнил обврските од договорот, тогаш е фер Министерството за култура да ги исполни своите обврски кон тој договор. Но има и друг проблем: јас како потписник на тој договор заедно со Министерството, можам да бидам и тужен и суден и подложен на нивни инспекции итн.

Но јас пак немам никаква правна заштита ако Министерството не ги исполни условите на договорот. На пример Фондацијата изгуби два проекти затоа што договорот со Министерството го потпишавме на 20 мај, а проектите требаше да се завршат до 15 ноември, библиотеките беа затворени заради короната и немавме пристап до нив. Сега ако Министерството не ги исполни обврските од договорот, кому можам да се пожалам? Никому“, вели Георгиевски

Напишете коментар

Вашата адреса за е-пошта нема да биде објавена. Задолжителните полиња се означени со *

thirteen + seven =