Ѓорѓиевски: Нема да бидам градоначалник што се жали, туку што нуди решенија

You must need to login..!

Опис

Буџетот на општона Кисела Вода е во катастрофална состојба. Буџетот го наследив со околу 20 милиони денари на сметка а само кон Светска банка имаме долгови од 1 милион и 700 илјади евра. Доспеани и недоспеани долгови имаме милион и 300 илјади евра. Тоа се сериозни долгови. Но јас нема да бидам човек кој ќе се жали туку кој ќе најде решение за секој проблем, затоа што нашите сограѓани не ги интересира долгот на општината, тие сакаат што побрзо решавање на долгогодишните проблеми, рече денеска во Утрински брифинг градоначалникот Орце Ѓорѓиевски.

  • Приоритет ми е да ги завршам работите кои веќе се почнати. Многу улици се ископаа непосредно пред изборите, тие мора да се завршат. Исто така ќе го заврзаме процесот на издавање решенија за легализација, за седум дена откако сум градоначалник успеавме да доделиме сто решенија. Од пролет ќе започнеме со поголеми, капитални проекти. Изминатава недела започнавме со изградба на парк во Драчево на местото на големата депонија, рече Ѓорѓиевски.

    Проблемот со паркирањето ќе го реши преку изградба на монтажни гаражи.
  • За монтажната гаража во Расадник што ја вети претходната власт нема соодветна документација. Ние ќе ја обезбедиме потребната документација. Сме размислувале и за воведување на зонско паркирање но за тоа треба да одлучат граѓаните, вели Ѓорѓиевски.

Во однос на бетонизацијата на Расадник, тој нагласува дека ќе формираат тело во кое ќе партиципираат граѓаните.

  • За тоа како ќе се развива Расадник, ќе зависи директно од граѓаните, а целата постапка ќе оди по пат на меѓународен конкурс за идејно решение. Во Расадник ќе се изгради и поликлиника а ќе го дислоцираме и Центарот за зависници, најавува градоначалникот на Кисела Вода.
    Како што вели, успешното работење на општината, нема да зависи од случувањата во Централната власт.

Напишете коментар

Вашата адреса за е-пошта нема да биде објавена. Задолжителните полиња се означени со *

three × 4 =