Ѓелинчески: Децата имаат неверојатен потенцијал – огромен успех на учениците

You must need to login..!

Опис

Од 13.-17. Декември 2021 година, во Дубаи, Обединетите Арапски Емирати се одржа глобалниот натпреварот во дебатирање и општи знења на кој нашите претставници се претставија во најдобро светло.

Тимот се врати побогат за 28 медали и два трофеи.

Најуспешна беше Сара Кнежевиќ која освои шест златни и еден сребрен медал во различни категории со што беше прогласена за еден од шампионите на натпреварот.

Таа беше во групата почесни осум дебатери кои ја водеа последната дебата пред целиот аудиториум.

Ваквиот успех сега им ги отвори вратите на Турнирот на шампиони, на престижниот Јеил Универзитет во САД, на кој се натпреваруваат десетте најдобри тима од шесте Глобални рунди на годишно ниво.

На оваа тема во Утрински брифинг разговаравме со нивниот ментор Никола Ѓелинчески, наставник по англиски јазик и книжевност во Јахја Кемал во Скопје.

-Се работи за меѓународна академска програма која вклучува 65 земји. За жал поради пандемијата годинава беше со намален обем и учествуваа околу 500 деца од 25 земји од цел свет.

-Нашата делегација броеше 15 ученици од кои што 10 беа од Јахја Кемал и три дечиња од Песталоци плус уште две деца од локални училишта. Се работи за многу интересна програма за која допрва ќе се слуша. Главниот фокус се четири дисциплини – дебата, пишува, квизови на знаење, индивидуален и тимски тест.

-Одлично се снајдовме и децата навистина уживаа.

Целиот разговор погледнете го во видеото

Напишете коментар

Вашата адреса за е-пошта нема да биде објавена.

four × 5 =