Штедач за случајот Еуростандард банка: Кога институциите молчат, сите се вмешани во милионски криминал

You must need to login..!

Опис

Уставниот суд каде што на седница уставните судии ќе гласаат по однос на иницијативата за оценка за уставноста и законитоста на член 163 став 3 од Законот за банки, решава дали една самохрана мајка ќе умре во беда или едно бебе ќе прогледа, вели во Утрински брифинг, Александар Цветковски, еден од оштетените штедачи во Еуростандард банка.

„Државата нема ниту корист ниту штета. Фондот за осигурување на депозити се полни од банките. Ако им е толу до пари на Фондот, земаа 0,7 отсто за осигурување на депозитите, сега земаат 0,25 отсто. Во 2008 банките заработија 50 милиони евра, во 2020 250 и плус милиони евра во година на криза. Што велат фактите? Во време на корона, на 12.јули кога нема влада, гувернерката Бежовска ја ликвидира Еуростандард банка.

Одма после тоа, институциите кои по закон мора да го следат банкарското работење и секој банкарски пласман, ревизијата на Народна банка, телата на Народна банка, специјално одделение во Јавното обвинителство за банкарски криминал, Агенција за финансиско разузнавање и Агенција за перење пари, ниту една институција не мониторирала ништо и сега викаат банката пропаднала. Да банката пропаднала, знаеме зошто…поради кражбата на Управниот одбор начелно со сопственикот, синот и директорот на банката но кој тоа го дозволил со години? Ние воопшто не разговараме што направило раководството на банката, ние прашуваме, бидејќи влоговите останаа таму бидејќи Бежовска велеше дека се безбедни“, објаснува Цветковски.

Тој и останатите оштетени сметаат дека, бидејќи се работи за многу милиони евра криминал, молкот на Народна банка и гувернерката укажувале на комбиниран притисок врз Уставниот суд.

„Бидејќи пет државни институции молчат. Банкарското лоби во Македонија е многу моќно. Уставниот суд сега решава дали е уставен или усрамен суд…ако парите не ги добие Фондот, ќе мора да се активира Јавното обвинителство, Уставниот решава дали имаме Народна или Народна-комерцијална банка и на крај дали имаме Влада или имаме мафијашка-влада“, потенцира Цветковски.

Како што изјави тој, многу од оштетените во Еуростандард банка биле луѓе под дејство на смирувачки лекови, пропаѓаат семејства, а околу 2.000 фирми кои ги чувале своите пари таму, не добиле ниту денар.

„Заробени се доста пари. Имаме случај со самохрана мајка која ги работела најтешките работи во Германија за да спечали, родителите и се болни, а нејзе парите заробени. Уставниот суд решава и дали таа ќе умре во беда или не. Бебе кое е родено слепо, фондот за лечење бил во Еуростандард банка, Уставниот суд решава дали тоа бебе ќе прогледа или не. Уставниот суд ќе каже дали е заробена институција или нешто функционира овде. Ние се сомневаме дека зад сето ова, кој и да стои, има силна силна поддршка од власта и таа поддршка мора да падне. Никој не може да каже дека власта не може да помогне. Ние имаме институции кои проработуваат само со телефонски повик и молк од некаде седум месеци, затоа народот шпекулира кој се е вмешан во ликвидацијата на Еуростандард банка“, вели во Утрински брифинг, Александар Цветковски, оштетен штедач во Еуростандард банка.

Според него смешно е тврдењето на сопственикот Трифун Костовски дека не знае што се случувало во неговата банка и дека бил оштетен и тој.

Разговорот погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

six + 2 =