Шовљански за УБ: Српските власти не етикетираат како „странски платеници“ оти не им се допаѓаат темите поврзани со нив

You must need to login..!

Опис

Од самиот почеток на емитувањето на програмата на Н1, новинарите се изложени на напади и притисок.  Поинаку се третират од страна на српските власти, вели за Утрински брифинг, Бранислав Шовљански, уредник во телевизијата подружница на Си-Ен-Ен.

„Веќе 5 години нашите новинари добиваат поинаков третман од страна на власта. Претседателот Вучиќ и премиерката Брнабиќ одамна ги нарекуваат нашите новинари странски платеници. Истото го прават и медиумите кои ја поддржуваат власта на Вучиќ. Но и севкупно луѓето кои не е и мислат добро на Србија. Не им се допаѓаат темите кои ги отвораме, односно афери и теми поврзани со јавните пари на граѓаните. Ние со тоа се соочуваме секојдневно“, вели тој.

Телевизијата Н1 изминатиов период се една од топ темите во српскиот јавен дискурс. Покрај Корона вирусот и известувањата за успесите на тенисерот Новак Џоковиќ, а Шовљански вели, небулозните обвинувања кои и се препишуваат на телевизијата, паѓаат во вода со работата на Н1 според српските закони и законите на Луксембург каде што е регистрирано сопствеништвото на групацијата која е на чело на Н1.

Но и покрај поддршката од регионалните новинарски здруженија, српските медиуми не се солидаризираат со новинарите на Н1, тврди еден од уредниците во телевизијата.

Неодамна и државниот оператор Телеком, вели Шовљански, се впуштил во попречување на Н1, барајќи од нив да ја пренесуваат програмата бесплатно, иако на останатите телевизии кои имаат национална концесија им плаќаат, но не го откриваат износот.

„ Телеком има околу 800.000 корисници а никогаш во својата понуда ја немале Н1. Помножете го тоа со три и ќе сфатите дека 2.500.000 луѓе никогаш немале прилика поради начинот на работа на Тееком, да ги следат нашите содржини.

Тие последните 2 години презедоа многу помали кабелски оператори во својата компанија. Со тоа ги наследоа договорите кои помалите оператори ги имаа со групацијата Јунајтед Медиа која е сопственик на Н1.

Во моментот кога тие договори истекоа на 31 декември 2019, дојдовме до ситуација во која Телеком стави до знаење дека не сакаат да ја емитуваат програмата. Пропаднаа преговорите иако Јунајтед Медиа им ја понуди барем само Н1 како телевизија од јавен интерес. Телеком на тоа даде повратен одговор дека наводно сме рекетирале со понудата и дека треба програмата да ја емитуваме бесплатно.

Во такви услови, тогаш најдобро е да ставиме клуч на врата и да работиме за џабе. Дојдовме до ситуација кога Телеком не сака да соопшти колку им плаќа на останатите комерцијали телевизии како Пинк, Прва или станиците на Курир“, одговара Шовљански.

Деталите од разговорот во видеото.

Напишете коментар

Вашата адреса за е-пошта нема да биде објавена. Задолжителните полиња се означени со *

5 × four =