Шаќири: Само 0.15 проценти од учениците вчера не го започнаа второто полугодие

You must need to login..!

Опис

Само 0,15 деца и 0, 85 наставен кадар не бил во можност да го почне второто полугодие поради болест, што е показател дека е правилна одлуката наставата да се одвива со физичко присуство, рече денеска во Утрински брифинг министерот за образование и наука, Јетон Шаќири.

  • Мојот кабинет вчера беше во директна комуникација со директорите на сите основни и средни училишта со цел да дознаеме колку деца не биле на настава. Ме радува фактот што само 0,15 проценти од учениците во цела држава отсуствувале од настава. Не знаеме колку од нив отсуствувале поради ковид или пак во прашање е некоја друга причина. Процентот кај вработените во училиштата кои отсуствувале вчера од работа е малку повисок, 0,85 проценти не биле на работното место. Сепак, треба да се има во предвид дека тука е вклучен и техничкиот кадар, а не само наставниците и професорите, рече министерот за образование и наука, Јетон Шаќири.

Во однос на барањето на родителите децата без маски да ја следат наставата, Шаќири вели дека маските се носат за децата да бидат посигурни.

  • Маските се дел од протоколите. Мојот став е дека децата треба да бидат посигурни. Јас ја разгледав можноста да го доставиме барањето до Комисијата за заразни болести, да се согледа начинот на настава во останатите земји, и од нив да се земе пример. Сепак, здравствениот аспект е најважен. Вчера бев сведок на ситуација во која снимателите се обидуваа да најдат ученик без маска, со цел да покажат дека не се почитуваат протоколите. Тоа не е во ред, ако за момент некое дете ја симне маската не е страшно, бидејќи и ние во институциите не ги носиме маските по цел ден, односно кога правиме пауза, вели Шаќири.

Во однос на формирањето долгорочна образовна стратегија која нема да се менува според личните ставови на секој нов министер, Ѓаќири објаснува дека таква постои но истата треба да се разгледа.

  • Образованието е многу важен процес. Јас од првиот ден откако стапив на функција дискутирам за формирање на долгорочна програма и стратегија за образование. Таква стратегија веќе постои и се однесува на периодот 2018-2025 година, но истата стратегија треба да се разгледа. Во неа ќе вклучиме есперти од сите страни, како од власта така и од опозицијата, за да може да биде сеопфатна и да има законски основ да биде долгорочна. Тоа во следниот период ќе го разгледаме од правен аспект. Тоа значи дека без разлика на министерот за образование, стратегијата ќе биде долгорочна и сите ќе имаат обврска да ја спроведуваат истата. Јас сакам во таа стратегија да се вклопи и новиот концепт за основно образование и реформите во средното и високото образование. Ова е сложен процес кој за почеток треба да биде ставен на тематска седница на Влада, објаснува министерот за образование.

Ќе се разгледа и дигитализацијата на учебниците.

  • Дигиталните учебниви се предвидени за учениците од четвртто одделение па нагоре. Тоа треба да се разгледа од неколку аспекти. Првиот ќе биде содржински, односно ќе треба да се разгледа дали од досегашната реализација е задоволена содржината од програмата и учебниците, но од друга страна не треба да ја запоставиме дигитализацијата. Со оваа динамика, дигитализацијата на учебниците ќе се реализира за пет години. Ќе ја разгледаме придобивката од префрлувањето на новиот концепт на настава и ќе го имаме конечниот одговор и на ова прашање. Ќе се обидеме да го подобриме процесот на образование за разлика од претходната година со тоа што во процесот на дигитализација ќе ги вклучиме сите училишта од сите општини. Ние ќе го разгледаме образовниот процес, тие да го разгледаат делот на дигитализација.

Новиот концепт на основно образование во 2021-22 започна со реформи за прво и четвртто одделение, другата учебна година реформите ќе бидат за второ и петто одделение.

Напишете коментар

Вашата адреса за е-пошта нема да биде објавена. Задолжителните полиња се означени со *

1 × 3 =