Петрески: Имунизацијата е приоритет – здравствен и економски

You must need to login..!

Опис

Годината која измина ја завршивме со негативна стапка од 4,5 %, но доколку ја погледнеме целата структура и движењата, може да забележиме дека кај преработувачката индустрија, трговијата на мало, постои едно посериозно стабилизирање, кое можеби е придвижено од севкупната фискална стимулација која беше дадена кон компаниите, но тоа даде еден поголем оптимизиам во последниот квартал од 2020 година. Но забележавме и дека онаа надеж дека вакцините ќе започнат навремено како една од најприоритетните мерки која што треба да влијае на севкупната економија имаме едно задоцнување. Тоа задоцнување не е само во нашата економија, тоа е глобално и оттука се генерира една глобална нееднаквост во пристапот до вакцина, каде забележуваме дека поголем дел од земјите во развој веќе имаат тешкотии и не се на ниво со развиените земји. Ова претставува еден сериозен ризик од аспект на домашната економија – во која насока ќе се движи, но во голема мерка и зависи и како глобалната економија ќе започне со заздравување. Ние сме отворена економија, зависни сме од глобалната економија и во која мера глобалната економија ќе започне да се стабилизира и закрепнува поскоро тоа би требало да се одрази и на нас. Ова не треба да ни биде оправдување, дека ништо не зависи од нас, но изгледите за оваа година се дека ќе имаме одреден раст кој нема д аги достигне нивоата кои беа пред кризата, но очекуваме дека оваа година ќе имаме раст од 4 до 4,2%, изјави во Утрински брифинг Благица Петрески, извршен директор на „Фајнанс тинк“.

Доколку забележите од каде доаѓа севкупниот раст, во најголема мера се гледа фискалната стимулација преку порастот на јавната потрошувачка, но во делот на лична потрошувачка, во делот на инвестиции се уште постои одредена воздржаност од понатамошни инвестиции. Во нашата студија ние се фокусираме на извозно ориентираните компании, затоа што тие се тие кои се поврзани со глобалната економија и ни претставуваат порта кон светот. Доколку во поголема мера домашните компонаии не се во потенцијал да извезат надвор, да бидат директни извозници на странскиот пазар, еден од чекорите е да се поврзат со извозно ориентираните компании и да ја зголемат нивната продажба. Но исто така извозно ориентираните компании се тие кои што не се само бројка во извозот, туку тие се компании кои заради фактот што постојат на светските пазари мора да иновираат, да имаат повисока технологија, повисока конкурентност и тие на некој начин треба светот да го донесат дома, вели Петрески.

Затоа сметам дека извозно ориентираните компании постои потенцијал и резултатите тоа го покажуваат. Скоро 60% одговорија дека имаат намера да инвестираат во нивната технологија, имаат потенцијал да го зголемат производството, а една од мерките е намаувањето на царините. Усогласувањето на царините може да ги зголеми инвестициите до 25%, може да го зголеми производството и конкурентноста до 15% и може да поттикне земјата да стане поатрактивна за странските инвеститори, смета Петрески.

Целиот разговор погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

11 − three =