Д-р Митов: Кампањата за вакцини да се води со едукација и емпатија, без напади

You must need to login..!

Опис

Недовербата кон цел систем се чини дека се интензивираше за време на пандемијата. Работите беа нови, се презентираа различни информации, како одевме така и учевме и секој кој што не е навикнат на таква ативност создаде дополнителна недоверба и сомнеж. Се остави впечаток дека научниците не се баш сигурни во тоа што го говорат, изјави во Утрински брифинг д-р Александар Митов, говорејќи за недовербата во вакцинацијата.

-Зборувајќи за овие работи ние навлагаме во човечката психологија. Првиот момент е дека ние како луѓе не можеме да го поднесеме тој т.н вакуум на смисла. Не можеме да прифатиме и да се соочиме со нешто без како феномен да ни биде разјаснето. Вториот момент кога постои тој вакуум на смисла е да почнеме да го исполнуваме со негативни работи. Така и сега. Први истрчаа да објаснат теоретичарите на заговор. Тие први му дадоа на населението информација што се случува. И таа слика дека некој сака да не труе, дека вирусот е измислен и пуштен е дел од глобалната слика.

Многу е битно кој пристап ќе се земе од здравствените власти. Ако ја анализирате состојбата – на едната крајност имате мал процент на јавност кој не може да го убедите и на сругата страна некои кои едвај чекаат да се вакцинираат. Битката е во убедување на поголемиот дел од јавноста, оние кои се во средината. Се надевам дека нема да се се проба да се едуцира населението со кратки спотови. Тоа време помина, луѓето на спот не веруваат. Треба некој да седне да обајсни што се случува, да презентира научни студии. Британија веќе втора недела по ред се вакцинира. Зошто да не направиме директен пренос на тоа што се случува кај нив, и да ја искористиме таа „предност“ што после нив кај нас ќе дојде вакцината, смета д-р Митов.

Целиот разговор со д-р Александар Митов погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

15 − ten =