Досега се попишани 618 000 граѓани, 105 000 попишани има само од вчера

You must need to login..!

Опис

Десеттиот ден од почетокот на пописот е заокружен со 618.000 попишани граѓани од кои 105. 000 се попишани само во текот на вчерашниот ден, изјави за Утрински брифинг портпаролката на Државниот завод за статистика, Јасмина Ѓоргиева.

– На терен имаме над 4.000 попишувачи, а дополнителен број на луѓе се и техничка поддршка на целиот процес, што го прави пописот навистина сложена процедура. Нормално е во една така голема операција да има и предизвици и технички проблеми. Пописот не беше запрен во ниту еден момент, а техничките проблеми беа надминати. Успешно се одбранивме и од двата обиди за упад во системот. Системот е така конципиран да штета не може  да се направи, единствена штета е што го забавија процесот неколку дена, изјави Ѓоргиева.

Таа апелира граѓаните да не наседнуваат на манипулации и да отворат врата на попишувачите.

Придобивките од пописот за секој од нас, затоа е важно населението да не наседнува на манипулациите за не отворање на врата на попишувачите. Проблемот со неотворање врата на попишувачите за нас се уште не е алармантен. Доколку во некое домаќинство има  одбивање, за тоа јавува попишувачот, а потоа реонски инструктор и со државниот инструктор одат на терен за да разговараат со семејствата кои одбиваат да се попишат и на крај успеваат да ги убедат да се попишат. Во Законот за попис има предвидени постапки за тие кои не сакаат да  се попишат, но ние не сакаме ни да помислиме дека ќе треба тие постапки да ги активираме, вели Ѓоргиева.

Досега не се инсистирало на вакциниран попишувач, но има интерес случај кога од Комисијата било побарано да биде пратен невакциниран попишувач.

-Населението со доверба ги прима поопишувачите, некои се попишуваат во двор, некои пред зграда, но имаше еден интересн случај кога беше побарано да им се прати невакциниран попишувач, по што Комисијата излезе во пресрет на барањето и прати невакциниран попишувач за да го попише домаќинството. Јас ги замолувам граѓаните да го проверат овластувањето на попишувачот пред да почнат да даваат информации за себе, а на крајот а побараат увид во тоа што е напишано во програмата. Оние кои не живеат на истата адреса од лична карта не треба да се грижат, ќе бидат попишани во домот во кој моментално живеат, бидејќи нас ни е важно да знаеме и колкава е населеноста во секоја населба и општина, објаснува Ѓоргиева.

Напишете коментар

Вашата адреса за е-пошта нема да биде објавена. Задолжителните полиња се означени со *

4 + 2 =