Потребно е да се оживее капиталот од банкарските депозити и штедни влогови со корпоративни државни обврзници

You must need to login..!

Опис

Имаме недоволно ниво на писменост и едукација кај населението за алтернативни начини за инвестирање на своите парични средства освен да ги чуваат во банка, но и недоволно ниво на познавање од страна на корпорациите и компаниите како да ги финансираат своите проекти – наместо да одат на стандардниот начин во деловна банка и да побараат кредит под одредени услови, тие едноставно тоа можат да го направат преку издавање на коорпоративна обврзница. Така што и на двете страни има едно сериозно ниво на недоволна едукација, но и тука постои стравот. Ако анализираме повторно ќе дојдеме дека стравот произлегува од незнаењето, изјави во Утрински брифинг проф. Марко Андонов, Декан на факултетот за правни науки при Универзитет Американ Колеџ Скопје – УАКС.

-Согласно деловните политики на секоја компанија која остварува профит има можност на своето собрание на акционери да одлучи како ќе ја распредели таа добивка. Тешко е квантифицирано да се објасни на граѓаните ако вложите ќе добиете толку и толку, но со сигурност мжам да кажам дека многу повеќе и подобро ќе поминат граѓаните инвеститори доколку вложуваат во финасиски инструменти како акции, обврзници, отколку кога парите би ги чувале во банка, смета Андонов.

-Нашите корпоративни доминатни структури во компаниите, имаат одреден неоправдан страв дека некој ќе им влезе во компанијата, па со тоа да им се замеша во комотно поставените Управни и Надзорни одбори, па преку системите на кумулативното гласање да можат да изберат макар еден член, додава Андонов.

Целиот разговор со проф. Марко Андонов, Декан на факултетот за правни науки при Универзитет Американ Колеџ Скопје – УАКС погледнете го во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

ten − seven =