Црвен крст: Ние сме подготвени да и помогнеме на Украина

You must need to login..!

Опис

Подготвени сме за да излеземе во пресрет на евентуалните бегалци од војната во Украина, и да делуваме согласно нашите интерни процедури во смисла на активирање на капацитетите во вакви ситуации, но не сакаме да прејудицираме за евентуални пребегнувања во бранови. Сепак не очекуваме голем наплив на мигранти бидејќи сме подалеку од жариштето, првиот притисок од мигрантскиот бран ќе го почувствуваат земјите кои граничат со Украина, рече денеска во Утрински брифинг секретарот на Црвениот крст на Македонија, Саит Саити.

  • Доколку се појави потреба да пречекаме мигранти од Украина, ние сме максимално подготвени во рамките на нашите капацитети. Во координација сме со Владата и со единствениот систем за одговор на вакви ситуации. Подготвени сме за собирање на хуманитарна помош од секаков вид. Овие се моменти кога се тестира солидарноста и подготвеноста на напредниот свет да сочувствува и да ги споделува страдањата на недолжносто население, рече Саити.

Тој вели дека денеска ќе имаат состанок со Украинскиот Црвен крст, по што ќе знаат дали и каква помош ќе биде потребна.

  • Во моментов поседуваме одредени информации, но неопходна е верификација на истите. Затоа денеска во 12 часот имаме виртуелна средба со Украинскиот црвен крст, каде што ќе учествуваат сите заинтересирани национални друштва во смисла на преземање активности за помош и поддршка на населението. Се уште не знаеме какви потреби имаат луѓето во Украина, за да можеме да им испратиме помош, исто така не знаеме до каде се можностите на Украинскиот црвен крст за да се справи со тие последици. Меѓународната федерација на Црвениот крст и Меѓународниот комитет имаат канцеларии во Киев. Врз основа на сите информации и податоци кои ќе ги добиеме денеска ние ќе се вклучиме и ќе бидеме дел од севкупните напори за санирање на последиците од војната, информира Саити.

Доколку се појави потреба, Црвениот крст е подготвен да испрати и волонтери.

  • Доколку се побараат волонтери и доколку тоа го дозволуваат условите, ќе размислиме и за таа опција, но во моментов сме фокусирани на безбедно враќање на нашите граѓани кои се во моментов во Украина. Станува збор за добра проценка која ќе ја правиме во следните денови, по што соодветно ќе реагираме. Ние како систем на Црвениот крст во меѓународни рамки имаме меѓународни комуникациски канали преку меѓународната федерациоја на Црвениот крст и Црвената полумесечина. Ги ставивме на располагање нашите капацитети, можности и подготвеност да се вклучиме во санирање на последиците што ги предизвикува војната помеѓу Русија и Украина, дополнува генералниот секретар на Црвениот крст.

Напишете коментар

Вашата адреса за е-пошта нема да биде објавена.

twelve + 2 =