Царовска: Време е за реорганизација, трошиме во образование исто колку и регионот а тонеме во квалитетот

You must need to login..!

Опис

Лицемерно е однесувањето на опозицијата која имаше 12 години да направи реформа во образованието за сега да критикува, а притоа да нема предлози за квалитетно образование, вели Мила Царовска, министерката за образование во Утрински брифинг.

Според Царовска, реформите треба да се спроведуваат градуално за да се види ефектот од нив, а стравот кај одредени наставници, вели таа, е нормален бидејќи е нешто ново.

„Реформскиот пристап се однесува на основно образование, а дигиталните учебници се однесуваат единствено на четврто одделение за да видиме ефект и трета работа е дека таков вид на бојкот оди само на штета на учениците и ги повикувам и родителите и учениците да не подлегнуваат на такви манипулации. Среќна сум што за прв пат во центарот на дискусија во јавноста е образованието, бидејќи без квалитетно образование кое нуди квалитет, не може да имаме квалитетен економски развој и раст. Мотовирани се институциите. Во тек се обуките за наставниот кадар, набавка на потребната дидактика, подготовките на програмата за прво одделение завршија…одиме со објавување на програмата за четврто одделение, па подготовка на дигиталните учебници за четврто одделение и така сукцесивно да го надополнуваме образованието за да излеземе од овој пад на квалитетот на образованието“, вели Царовска.

Министерката потенцира дека училиштата добивале редовни информации, а директорите се фалеле дека имаат јасна и прецизна инструкција на кој начин се спроведуваат реформите.

„Во текот на обуките ќе се разјаснат и сите нејаснотии. Нормално е сега да имаат одреден страв наставниците бидејќи е реформа. Не треба да се грижат за својот статус. Единствен збор кој го користиме е поддршка за наставникот. Центарот на нашата реформа се децата и нивниот интерес но и поддршка на наставникот. Нема партиски притисоци за нив и нивните права се загарантирани и треба да се фокусираме само на нивната креативност“, децидна е Царовска.

Образложувајќи ја потребата од реформи, таа нагласува дека во споредба со регионот, меѓународните оценувања укажуваат дека, освен Косово, ние сме најниско рангирани, а парите кои се трошат во образаование се на ниво на регионот.

„Тоа покажува дека не ги трошиме парите каде што треба за да можеме да постигнеме резултати. Тоа значи дека не дека ние немаме финансиски средства туку не знаеме како правилно да ги насочиме. На овој начин, со модернизација на образованието правиме реорганизација“, изјави Царовска во Утрински брифинг.

Реформите со дигитализација на учебниците во четврто одделение, се прават според анализа на минимум 10 земји за да се видат добрите и лошите искуства.

„Но во регионот дигитализацијата е одамна почната. Дигитализација не значи ПДФ формат на учебник. Ние сме научени на учебник којшто има многу текст и ништо повеќе од тоа. Нашите деца денеска, погледнете како примаат информации, преку мултимедијални формати. Во светот во кој тие живеат ние треба да им дадеме содржини кои ќе ги научат, а не само ќе им даде содржини кои им го одвлекуваат вниманието и неретко влијаат негативно на нив. Ако успеете да го задржете вниманието со позитивни содржини во нивниот свет, директно влијаете на нивниот когнитивен и психолошки развој“, потенцира Царовска.

Според неа, новиот пристап нуди различни нивоа за да ги пресретне потребите на различните групи на граѓани и затоа има онлајн, дигитални, печатени учебници, учебници во аудио формат и Браево писмо, за прв пат.

„Концепцијата ги содржи сите социјални аспекти. Кога прашуваа како може родова еднаквост, инклузивност и интеркултура да бидат дел од концепција за образование, реков ако носите во Собрание конвенции и ности закони, нашите ученици од најмала возраст треба да ги изучуваат за да ги спроведуваат тие вредности“, вели Царовска.

Напишете коментар

Вашата адреса за е-пошта нема да биде објавена. Задолжителните полиња се означени со *

19 − nineteen =