Хумористот Војче Китановски низ смеа за УБ раскажува: Ми се оствари желбата да бидам Тито

You must need to login..!

Опис

Ова што го викаат онлајн мене ми е малку чудна работа, но се саноѓаме некако. Се надевам дека ова ќе заврши што е можно побргу и она што го спремам изминативе месеци ќе можам да го претставам, изјави во Утрински брифинг хумористот Војче Китановски.

Со пандемијава тешко оди, потребна е публика пред мене. Ова онлајн е малку….треба сам на себе да си се смеам, вели во шала Китановски.

Во „Енциклопедија на хуморот“ јас ги опфаќам сите аспекти од она што го работам изминативе децении. Размислувајќи како да ги крстам книгите одлучив да ги крстам енциклопедии. Јас не очекувам дека оние 1000 што се отштампани ќе се купат, раздадат. Оние што прочитале се задоволни, барем така велат. Мојот голем пријател покојниот Иван Карадак ја има напишано рецензијата, вели Китановски.

Јас сум презадоволен што од мене уште од детството стоела желбата и прашањето дали еден ден ќе бидам Тито. И пред 5 години кога се одлучив да ја облечам униформата на маршалот, сфатив дека мене ми се остварува желбата. Одам низ поранешните републики, сите ме слкаат, и гледам колку маршалот се чувствувал пријатно. Една од епизодите која влегува во третата енциклопедија е и тоа што на 25 мај 2019 во Кумровец, ми пријде началникот на хрватската полиција, јас мислев дека сака да се слика, а тој вели, – Друже маршале, морамо да вас ухитимо. Рушите емоције хрватских бранитеља и утичете на сутрашњем гласању за европски парламент. На крај ме ослободија со објаснување – Ослобаџа се свих оптужбе, јер долази из Македоније која још није чланица Европске уније и још не зна понашење у Унији, вели Китановски.

Дел од случките на Китановски, играјќи го маршалот Тито, дознајте ги во видеото

Напишете коментар

Вашата адреса за е-пошта нема да биде објавена. Задолжителните полиња се означени со *

2 + 13 =