Фрицханд: „Јавна соба“ на Телеграм не е нешто што не можеше да се очекува

You must need to login..!

Опис

Скандалозно. Она што можеше да се прочита по весниците и порталите кои пишуваа на тема „Јавна соба“ не било нешто што не можело да се очекува. Но веројатно е прилично доцна изреагирано за сите надлежни институции да се зафатат со работа околу решавање на проблемот, изјави во Утрински брифинг проф. Ана Фрицханд, психолог.

Не можеме да посочиме еден најодговорен. Ако тргнеме така сигурно ќе згрешиме, затоа што јасно ни е на сите и консензуален став од многу експерти дека станува збор за многу длабок и системски проблем“

– проф. Ана Фрицханд околу случајот „Јавна соба“

Фрицханд за Утрински Брифинг:„Јавна соба“ на Телеграм не е нешто што не можеше да се очекува - Не можеме да посочиме еден најодговорен. Ако тргнеме така сигурно ќе згрешиме
Ана Фрицханд во Утрински брифинг

Ако посочиме дека е само во семејството ќе ги исклучиме другите битни елементи. Ако посочиме дека е во образованието исто така.

Што правиме со поединецот или со групата, врсниците, медиумите. Јас секогаш апелирам на системски приод. Не е толку важно да се посочи еден виновник. Важно е да се посочат сите релевантни аспекти, што секој може да направи во своите ингеренции, рече Фрицханд.

ЗМИЈАНАЦ: ОПШТ ПАД НА МОРАЛНИТЕ И СЕМЕЈНИТЕ ВРЕДНОСТИ

Општ пад на моралните вредности и губење на семејните вредности. Губење на контакт и комуникација на родителите со децата и една слика како функционира образовниот систем. Говори и за една отуѓеност и потреба на децата да привлечат внимание меѓу своите другарчиња, а притоа сликите се злоупотребении ставени на тапет, изјави Драги Змијанац, директор на Првата детска амбасада Меѓаши, одговорајќи на прашањето околу последниот скандал со присуство на детска порнографија на социјалните мрежи и дали е тоа очекувано.

– Имаме неформални информации дека постојат, односно некои луѓе се дислоцирани и на други групи. Замислете дека интернетот е толку продорен што тие фотографии кои имаат светлина на денот не може да се избришат. Трауммите кај децата се огромни и мора да се внимава дека тие што ги поседуваат тие слики и нивна дистрибуција е кривично дело кое предвидува пет до осум години затвор. Проблемот е сериозен, рече Змијанац.

Напишете коментар

Вашата адреса за е-пошта нема да биде објавена. Задолжителните полиња се означени со *

two × 1 =