Филиповски: Рок јунаците од земјава помогнаа за изградба на културата

You must need to login..!

Опис

Добитник на наградата „Мито Хаџи Василев-Јасмин“ за публицистика годинава е Тошо Филиповски кој се занимава со издавање на книги од областа на музиката во Македонија, а наградата е за „Македонска рок енциклопедија“ издадена 2020 година.

Зад неговите дела стојат години собирање податоци и информации преку кои се истражува македонската музика.

-Во 1989 година го издадов првиот македонски фанзин „Тешкото“ и оттогаш се заинтересирав за оваа работа. Сега имам намера сето тоа да се дигитализија. Не сакам да правам разлика, музика е музика, но во дискографијата опфаќам рок и поп, но поп кој не е фестивалски. Не би се нафаќал да работам нешто што не го знам, а рокенрок историјата на Македонија добро ја знам, вели Филиповски.

Во 1980-тите Македонија имаше една многу густа рок сцена.

-Квалитетот и тогаш и денес исто е висок. Тогаш беа Леб и сол, денес има многу други бендови кои се интересни. Можеби нема квантитет, ама има квалитет, вели Филиповски.

Во 1997 година беше промовирана југословенска рок енциклопедија на Перо Јањатовиќ. Тој објави повеќе изданија. Сега се планира да се отпечати првата рок биографија на бенд по повод 40 години од основањето на „Мизар“, Филиповски вели дека книгата чијшто автор е тој излегува наскоро и е двојазична, на македонски и англиски јазик затоа што постои и поширок интерес.

-Се трудам овие книги да бидат еден почеток на разбирање. Јас работам сам, се трудам една книга да излегува годишно, но напорно е – сам собирам материјал, пишувам, издавам, печатам…, вели Филиповски.

Тој книгата и наградата ја посветува на сите знајни и незнајни рок херои кои ја формирале македонската рок култура.

Напишете коментар

Вашата адреса за е-пошта нема да биде објавена.

16 + 4 =