Уличното списание за помош на ранливи групи граѓани Лице в лице започна да се продава и онлајн

You must need to login..!

Опис

Единственото улично списание кое опстојува веќе деветта година а има за цел да им помогне на ранливите категории граѓани, преку поделба на профитот од секое купено списание, се префрли на интернет продажба. Уредничката на списанието, Маја Раванска денеска во Утрински брифинг зборуваше за предизвиците со кои се соочуваат во време на пандемија и изнаоѓањето начини да го избегнат вирусот, а да не запрат со работата.

-„Лице в лице“ е социјално претпријатие за работна интеграција. Освен што е медиум, тоа е исто така бизнис кој работно ангажира ранливи сограѓани. Иако целиот модел на списанието се заснова на директна поддршка на уличните продавачи кои добиваат половина од продажната цена на списанието, моравме поради состојбата со пандемијата да се преориентираме кон онлајн продажба. Така што несакајќи направивме иновација, која очекуваме дури и да ни ја подобри продажбата. Најпрво започнавме со веб продавница, а потоа се разви во веб платформа на која е достапна содржината на списанието, а списанието сега освен на улица може да се купи он лајн, информира Раванска.  Меѓу самите продавачи има хронично болни или лица во ризик за кои постои голема опасност од движење меѓу големи групи на луѓе. Така дошла и одлуката за онлајн продажба, која пак воопшто не била лесна за дел од продавачите, но одлуката била конечна. Секој продавач има свој код, а кодовите се достапни на веб платформата или на kupi.licevlice.mk. 

-Списанието опстојува веќе девет години, но воопшто не е лесно. Сепак се трудиме со тоа што ја вклучуваме заедницата на вистински начин. Онлајн продажбата се уште не е толку актуелна, затоа ги повикувам граѓаните да го купат ова списание, за да им помогнат на ранливите категории граѓани, но да си помогнат и себе читајќи квалитетна содржина, нагласува уредничката на списанието Маја Раванска.

Напишете коментар

Вашата адреса за е-пошта нема да биде објавена. Задолжителните полиња се означени со *

10 + 1 =