УБ тема: Како собранието да стане понезависно од централната власт

You must need to login..!

Опис

При носењето на ваков закон мора да има комуникација и со извршната власт за да се дојде до заедничко решение. Во овој состав имавме такви разговори и мислам дека е направен значителен исчекор околу подобрување на независноста во Собранието. Станува збор за три работи. Првата е административна – независност на службата во Собранието, втората е финасиската независност и третата е околу обезбедувањето, безбедноста, особено по настаните од 27 април, односно како е тоа решено во сите развиени земји, рече за Утрински брифинг Јован Митревски, координатор на пратеничката група на СДСМ.

Со оваа Влада многу брзо најдовме решение. Имавме дилеми околу функционалната анализа на административната служба, како таа треба да се движи и да биде во скллоп со законот за административни службеници, но во исто време да биде независна.

Потписници на овој закон се и пртеници од опозицијата, сите пратенички групи и оние кои не се организирани во пратенички групи, односно станува збор за општ консензус во собранието при носењето на овој закон, додаде Митревски.

Ова што денеска се случува во СОбранието е еден исчекор во нашата работа, затоа што интенцијата и на власта и на опозицијата беше да се донесе еден квалитетен закон за службата во Собранието, заоа што пратениците се менливи и минливи, а администрацијата останува во Собранието. Сакавме да направиме еден закон кој ќе биде близок до европските практики и сметам дека со заеднички напор, на крај ќе донесеме еден закон кој што ќе биде основ за подигање на Собранието, изјави за утрински брифинг, Никола Мицевски, координатор на пратеничката група на ВМРО-ДПМНЕ.

Во разговорите што се одвиваа повеќе беа вклучени партиите, а ние како понова пратеничка група немавме толку време да се посветиме. Ресурсите ни се ограничени, изјави Нола Старова од независната пратеничка група.

Напишете коментар

Вашата адреса за е-пошта нема да биде објавена. Задолжителните полиња се означени со *

three × 2 =