(УБ во живо од Лвив) Атовска: И покрај нападот луѓето се големи оптимисти

You must need to login..!

Опис

Утринава веднаш по шест часот се слушнаа експлозии. Нашата специјална репортерка Кристина Атовска е во Лвив.

-Околу 6 часот се слушнаа алармите. Кога доаѓате во Украина веднаш ве приклучуваат на Телеграм група за алармирање и така дознавме дека има аларм. Оштетена е зграда околу аеродромот кој се наоѓа на 7 километри од градот. Градоначалникот на Лвив се огласи на Телеграм и замоли да не се објавуваат фотографии и видеа од нападот, вели Атомска од Лвив за Утрински брифинг.

Лвив е на запад во Украина и досега не беше изложен на посериозни напади. Руската армија не успева да ги освои градовите.

-Можам да кажам дека луѓето се големи оптимисти. Во прес центарот во Лвив се слеваат информации. Сите очекуваат дека Лвив ќе остане недопрен град, сите имаат надеж дека ова е најбезбедниот град во Украина. Имаше и еден напад во воена база во близина на Лвив, но тоа е воена цел и нема цивили, вели Атовска и додава дека сепак се преземаат сите мерки на претпазливост.

Атовска вели дека имаше акција за заштита на културното наследство. Таа додава дека украинските власти природно не сакаат да креваат паника, но со оглед на мерките на претпазливост сепак сѐ е неизвесно, додава таа.

-Украинските ТВ канали се активни и постојано емитуваат програма. Она што ме изненади е што синоќа прикажаа како Русите во Русија добиваат пропаганда дома од каналот Русија 1, за и Украинците да знаат каква пропаганда им се сервира на тамошните жители, вели Атовска за Утрински брифинг.

Напишете коментар

Вашата адреса за е-пошта нема да биде објавена.

four + seventeen =