Трпевска: МРТВ не смеее пандемијата со корона вирусот да ја претвори во политичка дебата – не смее да се измислуваат работи и тенденциозно да се шират дезинформации

You must need to login..!

Опис

Јас како и секој граѓанин ги следам случувањата со Корона вирусот. Забележувам работи кои што се битни од аспект на тоа каква улога играат медиумите. Кога имаме ваква криза во јавното здравство, како што се епидемиите е многу битно прашање таа криза да не се преточи во комуникациска криза, бидејќи дури тогаш може да има големи и штетни последици.

Последните деценија, деценија и пол светот се соочи неколку пати со вакви ситуации и новинарството знаело да одигра многу позитивна но и негативна улога во рушењето на довербата на граѓаните кон надлежните институции.

Сега е уште потешко бидејќи можноста за луѓето да бидат дезинформирани е поголема па така и одговорноста на професионалните медиуми е поголема. Значи кредибилните медиуми оваа ситуација треба да ја сфатат како предизвик и како одговорност, бидејќи јавноста има за право да знае што се случува, изјави за Утрински брифинг Жана Трпевска, медиумски експерт за исвестувањето на медиумите, етичките принципи, начинот на известување.

Кај нас се уште нема комуникациска криза. Надлежните институции редовно, континуирано ги информираат медиумите за тоа што се случува. Исто така гледам дека и традиционалните и дел од новите он-лајн медиуми покажуваат интерес и одговорност да ја следат ситуацијата и да информираат.

Но исто така, конкретно српските медиуми, гледам дека подобро го прават тоа од нас. И јавните и приватните медиуми редовно прават нови инфографици поврзани со вирусот, ширењето и спречувањето на истиот и истите континуринао ги повторуваат. Морам да кажам дека и кај нас нема science новинарство. Новинари кои точно за одредена категорија ќе учат ќе се спремаат секојдневно и редовно ќе информираат

Оттука МРТВ како јавен сервис има најголема одговорност. Тие треба под итно да ја прилагот програмата и да се насочат кон детално информирање на јавноста за ширењето на вирусот. МРТВ не смеее пандемијата со корона вирусот да ја претвори во политичка дебата. Сега гледам дека политичките опоненти излгегуваат со изјави дека не треба да се има доверба во нашето јавно здравство. Тоа може да ја поткопа ситуацијата во ваков момент.

Мора да се пренесе чувството дека инстутуциите на државата реално имаат контрола на ситуцијата. И релано ја имаат. Не смее да се измислуваат работи и тенденциозно да се шират информации дека луѓето не треба да веруваат на институциите. Доверба на граѓаните многу битна.

Како што реков, МРТВ како јавен сектор и по закон е најодговорна да пренесува едукативни содржини во различни ситуации особено во квакви ситуации. Да не зборам дека треба да биде и најпрофесионална во известувањето. Вчера прочитав еден коментар на социјалните мрежи во кој со право се критикува МРТВ и еден новинар за тоа дека додека се води разговор со министерот за здравство не може да се пуштаат прилози на претставници на опозицијата со цел да се направи вештачки баланс. Значи тоа МРТВ не смее да го прави. Мора да се задржат професионалните стандарди, изјави Трпевска.

Напишете коментар

Вашата адреса за е-пошта нема да биде објавена. Задолжителните полиња се означени со *

12 − twelve =