Три деца питачи, на три годишна воздраст починале од дрога

You must need to login..!

Опис

Поранешната директорка на детската градинка „Детска радост“ обвинува за партиско разрешување

Здружението градиме иднина кое има за цел да ги тргне од улица децата питачи, изминатиов период остварило средба со министерството за труд и социјална политика, МВР, како и со Основното јавно обвинителство, каде што се дискутирале начините за безбедно и долготрајно да се тргнат од улиците кои се злоупотребени за питачење. Претседателот на организацијата, Илија Јованови денеска во Утрински брифинг рече дека е зголемен бројот на деца питачи во Скопје. Според неговите информации, од 70 деца кои питачело пред неколку месеци, сега овој број достигнува сто деца на улица.

  • Децата најчесто се во ГТЦ, пред Мавровка или на булеварите. Но, морам да споделам дека институциите се разбудија и сакаат да соработуваат со нас. Добивме ветување од МВР дека во соработка со МТСП ќе евидентираат околу 700 роми. Но за да се тргнат децата од улица си има механизми и правила. Затоа е потребна меѓуинституционална соработка, но неопходно е и да се внимава да не се нарушат правата на малолетните деца. Решавањето на овој проблем треба да биде долготрајно, а за тоа е неопходно да има повеќе дневни центри. Наш предлог е празните објекти кои некогаш беа домови за деца без родители, повторно да се отворат и во нив да се згрижат децата од улица, вели Јовановиќ.

Според неговите податоци околу 18.700 деца не одат во училиште, 1.500 деца не се евидентирани во матичната книга на родени, околу 50 деца користат наркотични средства, а најголем дел од нив лепило, околу сто деца

  • На 1.500 деца им е загрозена здравствената состојба. Ниту едно од овие деца не е однесено на матичен лекар од страна на нивните родители. Јас ќе барам кривична одговорност од родителите чии деца користат наркотични средства. Ќе барам да се испита кој им дава дрога на овие деца, посебно сакам да потенцирам дека три деца на три годишна воздраст веќе починале поради употреба на опојни дроги, рече Јовановиќ.

Доктор Андон Чибишев од Клиниката за токсикологија вели дека е неблагодарно да се шпекулира дали децата кои постојано спијат во раце на мајките питачи се издрогирани, но информира дека во Клиниката често доаѓаат деца на околу 15 годишна воздраст од ромската популација во многу тешка состојба.

Напишете коментар

Вашата адреса за е-пошта нема да биде објавена.

13 − seven =