Тилев: Ако сакаме да бидеме членка на ЕУ, но пред се заради нас самите мора да ги практикуваме сите правила и да го продолжиме реформскиот процес

You must need to login..!

Опис

Дилемите ги имаме, на некој начин во изминативе повеќе од две децении сме во позиција на одлагање, но она што е многу важно и сите треба да го прифатиме и признаеме, а тоа го признаваат и нашите пријатели од ЕУ и од институциите на Унијата и ЕК, е дека и покрај сите пречки во минативе 2-3 декади никогаш не застанавме, односно имавме јасна стратешка определба на државата поддржана од огромен број на граѓани. Ја имплеметиравме спогодбата за стабилизација и асоцијација без петно во досието, што говори дека нашата посветеност е повеќе од евидентна. Многу често говориме дека ЕУ интеграцијата или европеизацијата на општеството, економијата, политичкото живеење го правиме не само заради членството во ЕУ, туку и заради нас. Така се однесувавме и така правиме во изминативе две децении. Постигнавме многу и ако ги редиме фактите кои се непобитни, ние веќе имаме преку една третина од вкупното тело на ЕУ транспортитано во нашето законодавство. Не е познато, но над 25.000 европски технички стандарди имаме прифатено и ги имплементираме во нашето секојдневно живеење. Целиот амбиент е веќе европски, затоа што покрај законодавството, ориентацијата на нашата економија е кон ЕУ. Над две третини од странските директни инвестиции се од земјите членки на ЕУ, изјави во Утрински брифинг Драган Тилев, државен советник за европски прашања во СЕП.

-Би било непрофесионално и помалку наивно ако кажеме дека неодржувањето на првата меѓувладина конференција нема да влијае на општиот амбиент, бидејќи во сите реформи имате два моменти – едниот е она што сакате да го постигнете, а второто е капацитетот кој го имате зад себе. Недостатокот на капацитетот честопати го надополнувате со позитивна мотивација. Тој момент ќе фали, но траекторијата е повеќе од извесна. Да не заборавиме одлука за почеток на пристапни преговори од формално правен аспект иимаме со сите 27 земји членки на ЕУ, што значи дека не станува збор за тоа дали ќе ги започнеме преговорите туку кога, вели Тилев и додава дека богатството од нови сознанија и знаење добиено од европските експерти за европското право , дава за право да веруваме дека со таквиот импулс може да продолжиме понатаму, дури и сами без да не турка некој за да ги спроведеме реформите.

-И досега ЕК е наш партнер и соработката во минатиов период се интензивираше. Кога ќе побараме мислење за одреден пропис добивме конкретен, стручен одговор што говори дека и другата страна (ЕК) – одговара, вели Тилев.

Објаснувачкиот скрининг даде одреден подлога и разви дополнителни сознанија кај нашите институции, експерти, но треба партнерски да се движиме понатаму и во следната фаза – билатералните скрининзи и почетокот на пристапните преговори по новата методологија, што дава одредена можност за динамизирање. ЕК, доколку влеземе во една нормална траекторија претпоставувам дека може да се динамизира процесот, но доколку ја нема таа меѓувладина конференција, доколку политичките прашања кои ги имаме отворени со Бугарија и не се доведат до ниво да нема опструкција од нивна страна, во тој случај ќе мораме, а имаме причина за тоа, да одиме сами во понатамошните реформи. Реформските правци ги знаеме, знаеме зошто тоа треба да го направиме. Мотиви има и во опции да ги почнеме преговорите, но и ако не ги започнеме преговорите.

Осетливите политички реформи поврзани со владеењето на правото, борбата против корупцијата и организираниот криминал се сегменти кои мора да ги допреме и да ги расчистиме, бидејќи тие се поочетокот и крајот на пристапните преговори. Вториот сегмент се секторите каде се бара големи финасниски вложувања – животната средина, словобадата на движење на стоки, земјоделието.

Целиот разговор со Драган Тилев, државен советник за европски прашања во СЕП погледенте го во видеото.

Напишете коментар

Вашата адреса за е-пошта нема да биде објавена. Задолжителните полиња се означени со *

four × three =