Тахири за УБ: Албанците на ове избори ќе имаат алтернатива на ДУИ

You must need to login..!

Опис

Кои се можните предизборни или постизборни коалиции на македонските со албанските партии? Кој албанска партија има шанса да влезе во власта?

Ова се само дел од дилемите кои универзитетскиот професор и политички аналитичар Сефер Тахири ги разговара со Чомовски и Селмани во Утрински брифинг.  Тахири вели, на изборите на 12.април, Албанците за прв пат ќе имаат шанса да гласаат за алтернатива на ДУИ.

„Во албанскиот политички фактор се случуваат процеси кои требаше да се случуваат во 2016 година кога јавноста и политичките експерти побараа да има формирање на опозиционен блок кој ќе опонира на ДУИ затоа што само на тој начин ќе се создаде рамноправна борба.

ДУИ е власт 16 години. Заедничкиот настап на Алијансата на Албанците и Алтернатива е дека ДУИ нема што да понуди ново“, анализира Тахири.

Шансата која албанскиот опозициски блок ќе ја бара, според Тахири, ќе зависи од мобилизацијата. Гласовите на ДУИ се стабилни, клиентелистички, тоа се гласови од администрацијата, но клучна за Алијанста и Алтернатива ќе биде излезноста.

„Мислам дека за опозицијата е важно дали ќе успее самата да наметне политички наратив кој ќе ги мобилизира гласовите на Албанците во зависност од ДУИ.

Важно е дали опозицијата на Алтернатива и Алијансата ќе успее да го помине тој праг од минатите избори.

Прагот кој претходно заедно го имаат освоено во ИЕ 6. Но на овие избори Албанците прв пат ќе имаат алтернатива на ДУИ“, вели Тахири.

Во однос на дискурсот кој го промовира ВМРО-ДПМНЕ, Тахири тврди дека партијата нема некој поголем предизборен маневр, но дека постизборно им се отворени можностите.

„ВМРО-ДПМНЕ треба да го смени наративот и политичкиот дискурс. Не само кон Албанците туку кога се во прашање и евроинтегративните процеси. Клучно ќе биде прифаќањето на Законот за јазици, Преспанскиот договор и продолжување на соработкта со Косово и Албанија. Во моментов не гледам подготвеност кај партијата за такво нешто но во политиката нема строги правила.

ВМРО-ДПМНЕ треба да го надмине тој етноцентристички вокбулар дека се голема македонска партија за да добие доверба кај гласачите“.

Напишете коментар

Вашата адреса за е-пошта нема да биде објавена. Задолжителните полиња се означени со *

twenty − seventeen =